Lajme

Ministrja Haxhiu bashkë me homologun e tij danez vizitojnë institucionin korrektues në Gjilan

Autori: Gazeta inFokus 16:45 | 21 December 2021

Ministrat e drejtësisë të të dyja vendeve së bashku me ekipet e tyre, sot patën një vizitë në ambientet e Institucionit Korrektues në Gjilan.

Në këtë vizitë ata u njoftuan me gjendjen e përgjithshme të infrastrukturës së përgjithshme të institucionit si dhe shërbimet që ofrohen aty.

Po ashtu, delegacionet vizituan edhe ambientet e banimit duke përfshirë edhe dhomat e të paraburgosurve dhe të dënuarve ku u njoftuan nga afër me kushtet dhe standardet që ofron ky institucion.

-Advertisement-

Ministri i Drejtësisë i Mbretërisë së Danimarkës, Nick Hakerup, falënderoi ministren e Drejtësisë së Republikës së Kosovës, Albulena Haxhiun, për mikpritjen dhe mundësinë për të parë për së afërmi ambientet e burgut ku pritet të vendosen të dënuarit nga Mbretëria e Danimarkës, sipas pajtimit të të dy vendeve.

Kjo vizitë vjen pas nënshkrimit të dy letër-qëllimeve; Njëri për vënien në shfrytëzim të një institucioni korrektues si dhe tjetri për investime në energjinë e ripërtëritshme dhe për bashkëpunim politik.

Ndërsa të hënën Republika e Kosovës dhe Republika e Danimarkës, kanë nënshkruar një marrëveshje bashkëpunimi për investime në energjinë e ripërtëritshme dhe për bashkëpunimin politik.

Kjo marrëveshje është nënshkruar nga ministrja e Ekonomisë Artane Rizvanolli dhe homologu i saj nga Danimarka, Flemming Moller Morteensen, Ministër i Bashkëpunimit Zhvillimor.

Pas nënshkrimit të marrëveshjes, ministrja e Ekonomisë, Artane Rizvanolli, tha se kjo marrëveshje hap rrugën për një bashkëpunim më të thellë ekonomik dhe në fushën e energjisë për dy shtetet.

Rizvanolli u shpreh se sektori i energjisë përballet me sfida të shumta dhe kriza e fundit energjetike ka treguar brishtësinë e sistemit energjetik në Kosovë. Ajo tha se kriza energjetike ka treguar se sa e rëndësishme është që të ketë siguri të furnizimit dhe të ketë diversifikim të prodhimit të energjisë elektrike

Subscribe në YouTube: GAZETA INFOKUSI