Lajme

Ministrja e Jashtme finlandeze nesër viziton Kosovën

Autori: Gazeta inFokus 20:24 | 04 September 2024

Ministrja e Punëve të Jashtme të Finlandës, Elina Valtonen, nga nesër do të qëndrojë në Kosovë, në kuadër të vizitës për shtetet e Ballkanit Perëndimor.

Ajo do të pritet në një takim duke filluar nga ora 11:00 më 5 shtator nga homologia e saj kosovare, Donika Gërvalla.

Në njoftimin e lëshuar nga MPJ finlandeze thuhet se Valtonen do të vizitojë Serbinë dhe Shqipërië.

-Advertisement-

Qëllimi i vizitës është forcimi i marrëdhënieve politike dhe tregtare me partnerët e Finlandës në Ballkanin Perëndimor.

Valtonen gjatë vizitës së saj në Ballkan do të takohet me homologët e saj, ministrat e jashtëm të Kosovës, Shqipërisë dhe Serbisë, si dhe lidershipin politik të vendeve.

Ata do të diskutojnë për marrëdhëniet dypalëshe, zgjerimin e BE-së, stabilitetin dhe sigurinë e Ballkanit Perëndimor, situatën në Ukrainë dhe çështjet aktuale lidhur me Organizatën për Sigurinë dhe Bashkëpunimin në Evropë (OSBE).

Subscribe në YouTube: GAZETA INFOKUSI
Presidenti i UNI z. Alejtin Berisha, folës mbi temën “Women’s Role in Artificial Intelligence Development” në DOKUTECH, edicioni i 11-të
-Advertisement-

Të tjera

Fokusi

lajme