Lajme

Ministria serbe e mbrojtjes: Akuzat e Kurtit të “neveritshme”

Autori: Gazeta inFokus 14:32 | 23 October 2023

Ministria serbe e mbrojtjes ka hedhur poshtë akuzat e kryeministrit Albin Kurti se pas sulmit në Banjskë qëndron klani i Novi Sadit në krye me ministrin serb të mbrojtjes Millosh Vuçeviq, duke i cilësuar ato “të neveritshme”.

Ministria i bën thirrje komunitetit ndërkombëtar, siç pretendohet në këtë propagandë, “të reagojë pa vonesë që të ndalohet kjo fushatë e ndyrë dhe ndezëse mediatike të udhëheqjes së Kosovës të drejtuar ndaj Serbisë dhe zyrtarëve të saj”, transmeton Paparaci.

“Gënjeshtrat, fyerjet dhe shpifjet që Kurti po i plason çdo ditë si pjesë e një fushate të ndyrë mediatike kundër shtetit të Serbisë dhe udhëheqjes së saj, i zbulon plotësisht synimet e tij për të shkatërruar çdo mundësi për qetësimin e tensioneve në “krahinën tonë” jugore”, pretendohet në komunikatë.

-Advertisement-

Në këtë komunikatë gjithashtu pretendohet se është në interes të ruajtjes së paqes dhe stabilitetit në Kosovë, që institucionet në Prishtinë, sipas tyre, “të detyrohen që menjëherë të ndalojnë terrorin e përditshëm ndaj popullatës serbe dhe të zbatojnë të gjitha marrëveshjet e mëparshme dhe të formojnë menjëherë Asociacionin e komunave me shumicë serbe”

Subscribe në YouTube: GAZETA INFOKUSI
Etiketa:
Po, Po 31 Vetura Dacia Logan shpërblim për konsumator nga ETC
-Advertisement-

Të tjera

Fokusi

lajme