Lajme

Ministria “pa ministër”, promovon vaksinimin kundër gripit sezonal dhe COVID-19

Autori: Gazeta inFokus 12:02 | 21 December 2022

Ministria e Shëndetësisë kanë njoftuar se nesër do të mbahet një aktivitet i tyre shtesë mujor me qëllim të promovimit të vaksinimit kundër Gripit sezonal dhe Covid-19, shkruan Gazeta Infokus.

Kjo ministri me anë të një postimi në “Facebook”, ka njoftuar se tashmë qytetarët mund të vaksinohen kundër Covid-19 edhe me dozat bivalente përforcuese.

“Ky është një aktivitet shtesë një mujor me qëllim të promovimit të vaksinimit kundër Gripit sezonal dhe kundër COVID-19 dhe rritjes së numrit të vaksinuarve kundër këtyre dy sëmundjeve. Tashmë, qytetarët e Kosovës mund ta vaksinohen kundër COVID-19 edhe me dozat bivalente përforcuese Organizuar nga Ministria e Shëndetësisë dhe Instituti Kombëtar i Shëndetësisë Publike, me mbështetjen e Organizatës Botërore të Shëndetësisë- Zyra në Prishtinë nga data 22 dhjetor 2022 në Kosovë do të nis një aktivitet shtesë me qëllim të promovimit të vaksinimit kundër Gripit sezonal dhe kundër COVID-19, i quajtur “Karvani i vaksinimit””, thuhet në njoftimin e tyre.

-Advertisement-

Ndryshe kanë bërë të ditur edhe cilat aktivitete synon që të I bëjë ky “Karvan i vaksinimit”.

“Ky aktivitet synon që të ndihmojë qytetarët për ta kuptuar sa më mirë rëndësinë e vaksinimit dhe njëkohësisht për t’u vaksinuar kundër Gripit sezonal dhe kundër COVID-19, në kohën kur në vende të ndryshme të botës numri i rasteve të reja të COVID-19 ka filluar të rritet. Për këtë qëllim, për një periudhë kohore prej më shumë se një muaji, në komunat e Kosovës, ekipet e vaksinimit do t’u mundësojnë qytetarëve që të vaksinohen përmes këtij aktiviteti”, thuhet tutje në njoftimin e tyre./Gazeta Infokus/

Subscribe në YouTube: GAZETA INFOKUSI
Etiketa:
Prince Coffee shkon edhe në Ferizaj – ambient i ngrohtë e risi në menu (VIDEO)
-Advertisement-

Të tjera

Fokusi

lajme