Ministria e Tregtisë: Janë zbrazur qëllimisht raftet nëpër dyqane
![](https://gazetainfokus.com/wp-content/uploads/2022/03/275508526_1565175350518220_8117786414555096807_n-780x439-11.jpg)
Autori: Gazeta inFokus
20:33 | 10 March 2022
Ministria e Industrisë, Ndërmarrësisë dhe Tregtisë (MINT), ka njoftuar sot se përmes Inspektoratit të Tregut, po inspekton intensivisht operatorët ekonomikë për ngritjen e menjëhershme të çmimeve të produkteve ushqimore esenciale, siç janë vaji ushqimor, mielli, sheqeri e të tjera.
MINT ka thënë se sipas të dhënave, operatorët kanë zbrazur me qëllim raftet e marketeve vetëm një ditë më parë, për të krijuar përshtypjen se ka mungesë të prodhimeve.
“Sipas të dhënave nga terreni, disa operatorë kanë zbrazur dje raftet e vajit ushqimor në pikat e shitjes me pakicë, duke krijuar përshtypjen se ka mungesë të produktit. Kurse sot kanë rikthyer këtë produkt me çmimin 3,49 euro për litër. Vaji ushqimor është importuar ditë më parë dhe fillimisht është shitur me çmim 1,50 euro për litër. Këto veprime të tregtarëve përbëjnë mashtrim të konsumatorit, praktikë të padrejtë tregtare dhe konkurrencë të padrejtë, andaj Inspektorati i Tregut po merr masa ndëshkuese dhe çdo veprim tjetër të përcaktuar me ligj. MINT gjithashtu ka kallëzuar gjetjet te organet e ndjekjes, për hetimin e veprave penale”, thuhet në njoftim.
MINT ka ftuar qytetarët e Republikës së Kosovës “të mos bien pre e manipulimeve të tregtarëve të pandërgjegjshëm”.
“Qytetarët nuk kanë nevojë të furnizohen me rezerva të produkteve ushqimore esenciale. Furnizimi me këto produkte është i rregullt, por disa operatorë ekonomikë kanë shfrytëzuar situatën në mënyrë të egër, duke ndjellë panik te qytetarët – njëherë duke fshehur mallin e pastaj duke e rikthyer me çmim tejet të lartë. Për çdo mashtrim që mund të ndodhë gjatë blerjeve e në veçanti për çmime, qytetarët luten të njoftojnë menjëherë Departamentin për Mbrojtjen e Konsumatorit në numrin e telefonit 0800 11000 ose në platformën https://konsumatori.rks-gov.net/”, thuhet në njoftim.
MINT, gjithashtu, ka ftuar bizneset të veprojnë në mënyrë të ligjshme dhe të ndërgjegjshme.
“Organet kompetente – MINT dhe Inspektorati i Tregut, në bashkëpunim me Administratën Tatimore, Doganën dhe Drejtorinë për Hetimin e Krimeve Ekonomike të Policisë së Kosovës – po vëzhgojnë gjendjen dhe po marrin masat e duhura sipas ligjit. Gjendja është nën kontroll dhe nuk ka vend për panik”, thuhet në fund të reagimit.
![](https://gazetainfokus.com/wp-content/uploads/2024/07/1-scaled.jpg)
Të tjera
-
Boletini jep dorëheqje nga pozita e kryetarit të bordit të RTK-së
Besnik Boletini është tërhequr nga pozita e tij si kryetar dhe anëtar i b...
-
Gjendet e mbyt*r një grua, në Liqenin Artificial në Tiranë
Një 60-vjeçare është gjetur e mbytur te Liqeni Artificial në Tiranë. Nga t...
-
Prokuroria thotë se ende nuk ka zbuluar motivet e vṛạsjẹs në Ferizaj
Prokuroria Themelore e Ferizajt është deklaruar lidhur me vrasjen e mbrëmshme...
-
Reagon Presidentja: As unë as bashkëshorti s’kemi njohuri për vṛạsjẹn, aq më pak për ndonjë rast dh*nimi – dezinformatat të hetohen
Për raportimet e vrasjes së 89-vjeçarit mbrëmë në Bibaj të Ferizajt, ka reagu...
-
Zvogëlohet koha e pritjeve në pikat kufitare
Qendra Kombëtare për Menaxhim Kufitar, ka bërë përditësimin e fundit lidhur m...
-
Presidentja thotë se s’ka lidhje as njohuri me vṛạsjẹn e axhës së Prindonit
Mbrëmë në Bibaj të Ferizajt është qëlluar për vdekje 89-vjeçari Sadri Sadriu,...
-
Rikthehen zjạṛṛẹt në Prevallë
Zjarret në malet e Prevallës u shuan disa ditë më parë. Në aksionin për fi...
-
Vuçiq për hapjen e Urës së Ibrit: Nuk ka vullnet për dialog, pres provokime dhe probleme shtesë
Presidenti i Serbisë Aleksandar Vuçiq është deklaruar rreth hapjes së Urës së...
-
Alarmante: Mbi 60 mjekë dolën jashtë Kosovës për gjashtë muaj
Mbi 60 mjekë kanë lëshuar Kosovën në gjashtëmujorin e parë të këtij viti. Ndë...
-
Rama publikon pamje të punimeve që po bëhen në vazhdimin e Rrugës B dhe lidhjen me Rrugën A
Kryetari i Komunës së Prishtinës, Përparim Rama, ka njoftuar për ecurinë e pu...
-
KFOR-i bën patrullime në Leposaviq: Në mbështetje të sigurisë në mbarë Kosovën
Misioni i NATO-s në Kosovë, KFOR, ka njoftuar se pjesëtarë të saj nga Kom...
-
Haki Abazi: Kjo legjislaturë do të mbahet mend për aferën “Zdravo Radoiçiq”
Deputeti Haki Abazi, ka reaguar pas dekretimit të datës së zgjedhjeve nga pre...