Lajme

Ministria e Mbrojtjes jep detaje rreth arrestimit të shtetasve çekë në Poliçan

Autori: Gazeta inFokus 15:13 | 21 August 2022

Katër shtetas çekë janë arrestuar sot në Poliçan të Beratit, pasi që të njëjtit ishin zënë duke fotografuar uzinën e armëve në këtë zonë.

Ministria e Mbrojtjes së Shqipërisë përmes një njoftimi për media ka bërë të ditur se rasti ka ndodhur rreth orës 08:40 të mëngjesit të sotëm.

“Rreth orës 08:40 të mëngjesit të sotëm, tek një nga tunelet në Uzinën e Poliçanit, janë konstatuar lëvizje të personave të paidentifikuar. Menjëherë Policia Ushtarake në bashkëpunim me Policinë e Shtetit kanë izoluar hyrjet e tuneleve të cilët janë pothuaj se të gjithë komunikues me njëri tjetrin dhe pas kërkimeve kanë ndaluar dy persona me kombësi çeke”, thuhet në njoftimin e Ministrisë së Mbrojtjes.

-Advertisement-

Më tej në njoftim thuhet se rreth orës 12:30 në distancë 1.5 km larg tuneleve jashtë perimetrit të rrethimit të repartit u konstatuan dhe shoqëruan edhe dy shtetase te kombësisë çeke, bashkëjetuese të dy shtetasve të mësipërm.

“Personat e mësipërm janë ndaluar dhe aktualisht vazhdojnë procedurat nga autoritetet e sigurisë në vend”, thuhet në njoftim.

Ndryshe Euronews Albania ka siguruar fotografinë e njërit nga çekët e arrestuar teksa fotografonin uzinën e armëve në Poliçan. Ata kanë pohuar se janë turistë dhe nga kontrolli nuk u është gjetur asnjë send i paligjshëm./Telegrafi

Subscribe në YouTube: GAZETA INFOKUSI
Etiketa:
Nëse doktor Mitrev do të përdorte hemofiltrimin me qëllim që të mashtruar pacientët, do t’i kishte mashtruar të gjithë 1738…

Të tjera

Fokusi

lajme