Lajme

Ministria e FSK-së për deklaratën e Vulin: Për mbrojtjen e Kosovës përgjegjës është KFOR-i

Autori: Gazeta inFokus 16:36 | 18 January 2018

Në Ministrinë e Forcës së Sigurisë së Kosovës, nuk kanë komentuar deklaratën e një dite më parë të ministrit të Mbrojtjes së Serbisë, Aleksandër Vulin, ku tha se ushtria serbe është gati për ndërhyrje aty ku kërcënohen qytetarët serbë. Kjo deklaratë e tij është bërë pas vrasjes së Oliver Ivanoviq në Mitrovicën e Veriut.

“Nuk komentojmë deklaratat e kujtdo qofshin ato”.

“Kosova është shtet i pavarur dhe ka institucionet e veta shtetërore të sigurisë. FSK vazhdon të kryej detyrat dhe aktivitet e planifikuara vjetore në bazë të misionit aktual që ka”, kanë thënë nga Zyra për Media e KSFK-së, njofton Klan Kosova.

-Advertisement-

Në këtë ministri thonë se për mbrojtjen e Kosovës nga rreziqet e jashtme përgjegjës është KFOR-i”.

“Për të ruajtur rendin dhe ambientin e sigurt në Kosovë përgjegjës janë Policia e Kosovës dhe KFOR-i. Sigurisht se ata marrin masat në përputhje me situatat e krijuara në bazë të misionit që kanë”, thuhet në përgjigjen e tyre.

Subscribe në YouTube: GAZETA INFOKUSI