Lajme

Ministria e Arsimit ndalon përdorimin e telefonit në proces mësimor

Autori: Gazeta inFokus 16:18 | 29 November 2018

Ministri i Arsimit, Shkencës dhe Teknologjisë, Shyqiri Bytyqi ka njoftuar se sot ka nënshkruar vendimin për ndalimin e përdorimit të telefonit gjatë procesit mësimor.

Sipas ministrit, mësimdhënësit dhe nxënësit e kanë të ndaluar përdorimin e telefonit në të gjitha institucionet e arsimit para universitar.

“Në funksion të përmirësimit të mbarëvajtjes së procesit mësimor në shkolla dhe të ngritjes së cilësisë në arsim, sot kam nënshkruar Vendimin për ndalimin e përdorimit të telefonit gjatë procesit mësimor nga mësimdhënësit dhe nxënësit në të gjitha institucionet e arsimit para universitar në Republikën e Kosovës”, thuhet në njoftimin e Bytyqit në “Facebook”.

-Advertisement-

Në këtë komunikatë është thënë se për zbatimin e këtij vendimi ngarkohet Sekretari i përgjithshëm i MAShT, Drejtoritë Komunale të Arsimit (DKA-të) dhe drejtorët e institucioneve të arsimit parauniversitar, të cilët janë edhe përgjegjës për marrjen e masave sipas legjislacionit në fuqi në rast të shkeljes së tij.

Subscribe në YouTube: GAZETA INFOKUSI
Etiketa:
Fito 50 € për dyshekun e vjetër dhe merr dyshkeun e ri Cloud për vetëm 549 €

Të tjera

Fokusi

lajme