Lajme

Ministri Zemaj paralajmëron karantinën dhe orën policore në Kosovë

Autori: Gazeta inFokus 21:31 | 29 October 2020

Ministri i Shëndetësisë, Armend Zemaj ka deklaruar se rritja e menjëhershme e rasteve me Covid-19, po vjen si pasojë e tubimeve të pakontrolluara.

Megjithatë, Zemaj tha se vendi ynë akoma është në limitet e zonës së gjelbër për kokë banori.

“Do të marrim masa në kufizim të grumbullimeve private dhe publike, do të ketë kufizim të kohës në qendra tregtare, aktivitete sportive e kulturore, gastronomi, kjo e fundit sidomos për Prishtinë dhe disa komunave tjera”, tha ai.

-Advertisement-

Ai shtoi se nuk do ta lejojnë trendin siç ka ndodhur në korrik dhe gusht, pasi do të parandalohet me masa kufizuese.

“Asnjëherë nuk i përjashtojmë kufizimin e lëvizjes, karantinën dhe orën policore”, tha ai në Klan Kosova.

Subscribe në YouTube: GAZETA INFOKUSI
BKS-ja kërkon nga Institucionet që sigurimi për bujqit të bëhët obligativ

Të tjera