Lajme

Ministri rus: Ekonomia e vendit në rrezik, do shkurtohen vendet e punës

Autori: Gazeta inFokus 07:06 | 03 June 2022

Ministri rus i ekonomisë thotë se në Rusi do të shkurtohen vendet e punës dhe do të ulen investimet pas sanksioneve të vendosura nga vendet perëndimore.

Maksim Reshetnikov tha në një konferencë për shtyp se papunësia ende është e ulët, por shifrat pritet të ndryshojnë.

“Një krizë e zgjatur e kërkesës mund të çojë në një ulje të punësimit. Ne shohim se këtu ka rreziqe”, tha ai.

Ekonomia e Rusisë është goditur nga sanksionet e vendosura nga vendet perëndimore që nga shkurti, kur nisi lufta në Ukrainë.

Goditja fillestare e detyroi tregun e aksioneve në Rusi të mbyllej përkohësisht. Megjithatë, rubla është kthyer në nivelet e paraluftës falë ndërhyrjeve të Bankës Qendrore të Rusisë.

Të tjera