Lajme

Ministri Peci: Isa nga Boletini, përfitues i mekanizmit bujqësor me vlerë rreth 100 mijë euro (FOTO)

Autori: Gazeta inFokus 12:17 | 17 September 2023

Ministri i Bujqësisë, Faton Peci ka bërë të ditur se fermeri Isa nga Boletini është përfitues i mekanizmit bujqësor me vlerë prej 99 mijë e 800 euro.

Ai përmes një postimi në Facebook bëri të ditur se si fermeri mbarështon mbi 50 krerë lopë e viça dhe ka të kontraktuar edhe 50 hektarë tokë, të mbjella kryesisht me drithëra, përcjell Klankosova.tv.

“Isa nga Boletini është përfitues i Programit për Zhvillim Rural / Grante 2022 për mekanizëm bujqësor në vlerë 99.800 euro. Si fermer shumë i vyer Isa mbarështon mbi 50 krerë lopë e viça dhe ka të kontraktuar edhe 50 hektarë tokë, të mbjella kryesisht me drithëra”.

-Advertisement-

“Investimet në: Bistricë, Boletin, Çabër, Vllahi, Rashan, Frashër, Koshtovë, Rahovë, Tunel të parë, Broboniq. Janë milionshe si asnjëherë më parë. Sa herë jam në Boletin, emocionet janë të veçanta sepse edhe figurativisht përballem me thënien “guri i randë peshon n’ven të vet”, ka shkruar Peci.

Subscribe në YouTube: GAZETA INFOKUSI