Lajme

Ministri nga Amerika i shkoi, Kurti fton mjekët në mërgatë që të vijnë ta ndihmojnë sistemin shëndetësor

Autori: Gazeta inFokus 13:18 | 07 October 2022

Një ditë pasi ministri i Shëndetësisë që erdhi nga diaspora dha dorëheqje, Kryeministri Albin Kurti ka bërë thirrje për profesionistët shëndetësorë të mërgatës që ta ndihmojnë në transformimin cilësor të sistemit shëndetësor në Kosovë.

Ndonëse Kryeministri Kurti tha se shifrat dhe përshtypja për ikjen e mjekëve janë “më të fryra se në realitet”, deputeti i PDK-së, Bekim Haxhiu, thotë se gjendja është shumë më e rëndë.

Ai e pyeti Kryeministrin se sa i efektshëm mund të jetë Udhëzimi Administrativ për licencimin e profesionistëve shëndetësorë të huaj dhe si mendon Kryeministri të ndalohet ikja e mjekëve nga Kosova.

-Advertisement-

Kurti i ka ripërsëritur thirrjet e profesionistëve shqiptarë në rajon dhe në mërgatë që t’i bashkohen punës së transformimit të sistemit shëndetësor në Kosovë.

“U bëj thirrje edhe njëherë të gjithë profesionistëve shëndetësorë në mërgatë dhe profesionistëve shqiptarë në rajon, që të bëhen pjesë e punës së përbashkët për ta transformuar cilësisht shërbimin shendëtsor, veçanërisht tani që do të hynë në fuqi lehtësi të tjera”, ka thënë Kurti në përgjigjen e tij për deputetin Haxhiu.

Subscribe në YouTube: GAZETA INFOKUSI
BKT Kosova lanson Kredinë për Ekonominë Qarkore – e para dhe e vetmja e këtij lloji në Kosovë
-Advertisement-

Të tjera

Fokusi

lajme