Lajme

Ministri Mehaj kërkon nga Ministri i Punëve të Jashtme të Bangladeshit mbështetje për njohjen e Kosovës

Autori: Gazeta inFokus 12:36 | 10 May 2023

Në vazhdim të vizitës në Bangladesh, Ministri i Mbrojtjes, Armend Mehaj, ka realizuar takimin zyrtar me Ministrin e Punëve të Jashtme të Bangladeshit, A.K. Abdul Momen.

Në këtë takim, Ministri Mehaj me theks të veçantë ka kërkuar nga Ministri Momen mbështetjen në procesin e njohjeve te reja nga vendet partnere të Bangladeshit, të cilat ende nuk na kanë njohur Kosovën.

Gjithashtu, Ministri Mehaj së bashku me Ministrin Momen diskutuan për bashkëpunimin që do të jetë në fushën mbrojtjes, bashkëpunimin ekonomik dhe kulturor, si dhe për procesin e marrëveshjes së shmangies së taksimit të dyfishtë dhe parandalimi i evazionit fiskal.

-Advertisement-

Në fund të takimit, Ministri Mehaj shprehu falënderimin e tij për pritjen e ngrohtë dhe gatishmërinë për mbështetje ndaj Republikës së Kosovës, duke theksuar se duke ndarë vlera të përbashkëta të demokracisë, paqes dhe lirisë, bashkëpunimi ynë me shtetin e Bangladeshit do të jetë në nivelin e duhur.

Subscribe në YouTube: GAZETA INFOKUSI