Lajme

Ministri i Shëndetësisë ka një mesazh për bashkatdhetarët

Autori: Gazeta inFokus 13:38 | 24 December 2021

Njëjtë si ministri paraprak, Arben Vitia, edhe ministri i tanishëm i Shëndetësisë, Rifat Latifi, ka përdorur video-mesazhin për t’iu drejtuar qytetarëve, por ky i fundit jo për fushatë politike por për një thirrje tjetër.

Ai ka publikuar një video-mesazh me rastin e festave të fundvitit ku kërkuar të festohet me kujdes.

“Edhe këtë vit festat vazhdojnë të jenë pak më ndryshe se vitet tjera sepse pandemia COVID-19 ende nuk ka përfunduar. Por tash ne kemi në duart tona forcën dhe mënyrat më të mira për t’u mbrojtur nga COVID-19, vaksinimin”, tha ai.

Latifi theksoi se tashmë ekzistojnë mundësitë ideale për vaksinimi duke nisur nga aeroporti i Prishtinës dhe pikat kufitare e deri në qendrat e vaksinimit në secilën komunë kosovare.

“Tani keni mundësinë të vaksinoheni me dozën e dytë dhe të tretë në aeroportin e Prishtinës dhe në të gjitha pikat kufitare, si dhe në qendrat e vaksinimit në secilën komunë në tërë Kosovën”, shtoi Latifi./Gazeta Infokus/

Të tjera