Lajme

Ministri i punëve të jashtme në Bosnje: Kosova vuri taksë nga inati që nuk u pranua në Interpol

Autori: Gazeta inFokus 17:49 | 21 November 2018

Ministri i Punëve të Jashtme në Bosnje, Igor Çërnadak e ka cilësuar si të pakuptimtë dhe hakmarrëse vendimin e Kosovës për rritjen e taksës për 100 përqind ndaj produkteve që vijnë nga Bosnja e Hercegovina.

Çërnadak ka thënë se këtë rritje Kosova e ka bërë për shkak të dështimit të djeshëm për tu pranuar në Interpol.

“Bosnja dhe Hercegovina nuk e meritojnë këtë ngritje të përqindjes. Taksa prej 10 përqind, mund të ketë logjikë ekonomike, por një taksë 100 përqind është një mesazh që dikush tjetër nuk dëshiron të bashkëpunoj me ju, ka thënë ministri Çërnadak, shkruan “Nezavisne Novine”.

-Advertisement-

Qeveria e Kosovës sot e ndryshoi vendimin e 6 nëntorit te Ministrisë së Tregtisë dhe Industrisë (MTI) e cila vendosi masë mbrojtëse 10% për produktet e importuara me origjinë nga Serbia e Bosnja e Hercegovina. “Ky vendim hyn në fuqi menjëherë dhe obligohen institucionet ta zbatojnë menjëherë”, tha kryeministri Ramush Haradinaj pas aprovimit të vendimit në qeveri.

Ishte ministri i Tregtisë dhe Industrisë (MTI), Endrit Shala, gjatë mbledhjes propozoi ndërrimin e masës nga 10, në 100 për qind për produktet që vijnë nga Serbia dhe Bosnja e Hercegovina.

Subscribe në YouTube: GAZETA INFOKUSI
Etiketa:

Të tjera

Fokusi

lajme