Ministri gjerman i Mbrojtjes kërkon shpenzime më të mëdha të ushtarake
Autori: Gazeta inFokus 08:40 | 16 February 2023
Gjermania ka mbetur prapa objektivit prej dy për qind të NATO-s. Pavarësisht kësaj, ministri i Mbrojtjes Pistorius tani bën thirrje për thellimin e objektivit. Qeveria gjermane është “në proces konsultimi” për këtë temë.
Ministri i Mbrojtjes i Gjermanisë, Boris Pistorius mbështet kërkesat e partnerëve të NATO-s për të forcuar objektivin e shpenzimeve të mbrojtjes të Aleancës. Ai mbështet mendimin se shpenzimet e dy për qind të Prodhimit të Brendshëm Bruto (PBB) duhet të jenë kufiri më i ulët në të ardhmen, tha Pistorius në një takim të ministrave të mbrojtjes të NATO-s në Bruksel.
“Dëshira për t’iu afruar objektivit dy për qind nuk do të mjaftojë,” theksoi ai. Kjo duhet të jetë baza për gjithçka tjetër. Pistorius këtu aludoi për objektivin aktual të NATO-s. Kjo parashikon që të gjitha vendet e Aleancës i afrohen deri në vitin 2024 shifrës prej të paktën dy për qind të PBB të tyre për mbrojtjen.
Sipas ministrit të Mbrojtjes Boris Pistorius, kancelari gjerman Olaf Scholz dhe kreu i Partisë Social Demokratike (SPD) Lars Klingbeil mbështesin si ai një objektiv shumë më të lartë të NATO-s për shpenzimet e mbrojtjes. “Ky është pozicioni im dhe i kancelarit dhe kryetarit të partisë,” tha Pistorius në kuadër të një takimi të ministrave të mbrojtjes të NATO-s në Bruksel. Negociatat për këtë temë duhet të zhvillohen brenda koalicionit qeveritar në ditët dhe javët në vijim.
Marrëveshja pritet më e vona deri në korrik
Diskutimet po zhvillohen brenda NATO-s për objektivin e ardhshëm. Një marrëveshje duhet të arrihet më e vonta i në samitin e ardhshëm të rregullt. Ai do të organizohet në datat 11 dhe 12 korrik në Vilnius, kryeqyteti i Lituanisë.
Boris Pistorius takon një oficer ukrainas
Një forcim i objektivit prej dy përqind do të kërkonte, aktualisht, një rritje të shpenzimeve gjermane të mbrojtjes me një shumë dyshifrore miliardash. Deri tani, Gjermania ka shpenzuar dukshëm më pak se dy përqind të PBB-së së saj për mbrojtje. Sipas shifrave publike, kohët e fundit pritej një shifër prej vetëm 1.44 përqind për vitin 2022 – bazuar në shpenzimet e mbrojtjes sipas standardeve të NATO-s prej 55.6 miliardë dollarësh.
I pyetur nëse deklaratat e tij korrespondojnë me qëndrimin gjerman për negociatat e NATO-s, Pistorius tha: “Ne jemi duke u konsultuar për këtë brenda qeverisë federale dhe sigurisht që do t’i përfundojmë konsultimet së shpejti”.
Bashkëpunim për mbrojtjen e krahut lindor
Boris Pistorius
Në kuadër të takimit u mësua gjithashtu se Gjermania, Britania dhe Kanadaja synojnë një bashkëpunim më të ngushtë për të mbrojtur tre partnerët baltikë të NATO-s, Lituaninë, Letoninë dhe Estoninë. Sipas Pistorius-it, për shembull, manovrat duhet të koordinohen më mirë me njëra-tjetrën. Koordinimi më i mirë ka edhe një efekt më të madh parandalues, shpjegoi politikani gjerman.
Sipas Pistorius-it, gjashtë vende ranë dakord të martën në mbrëmje për një dokument mbi këtë temë. Bëhet fjalë për mënyrën se si të mbrohen në mënyrë efektive shtetet baltike, një pjesë veçanërisht e ekspozuar e aleancës, tha ai.
Gjermania është, së bashku me Britaninë e Madhe dhe Kanadanë, një nga vendet kryesore të NATO-s në krahun lindor. Bundeswehr-i është kryesisht i pranishëm në Lituani, ku gjithashtu udhëheq një grup luftimi shumëkombësh./DW
Të tjera
-
Australia do e ndihmojë Ukrainën me mbi 61 milionë euro
Australia ka njoftuar një paketë ndihme ushtarake për Ukrainën me vlerë mbi 6...
-
Gjashtë gjëra që duhet të dini për pagat në Zvicër
Nëse jetoni dhe punoni tashmë në Zvicër, (ose jeni gati të zhvendoseni këtu),...
-
“Pjesëmarrja në regjistrimin e popullsisë shumë e lartë”, koordinatorja e OKB-së e kënaqur me procesin
Koordinatorja e OKB-së për Zhvillim, Arnhild Spence, ka thënë se procesi i re...
-
Togerja e Policisë së Kosovës fiton çmim ndërkombëtar për shërbim në komunitet
Togerja në Policinë e Kosovës, Antigona Çitaku – Dibrani, ka fituar çmimin nd...
-
Skepticizëm nëse Kurti do t’i sigurojë votat për Kodin Civil
Deputetë të Lëvizjes Vetëvendosje nuk kanë ndryshuar qëndrim për Kodin Civil,...
-
Mehaj vlerëson se institucionet kanë bërë “punë modeste” për argumentimin e gjenocidit serb
Ish-Ministri i Mbrojtjes, Armend Mehaj, ka folur për punën e institucioneve t...
-
Familjarët e të zhdukurve përgatiten ta padisin Serbinë në Strasburg
Familjarët të cilëve u janë zhdukur më të dashurit e tyre, po përgatiten ta p...
-
Mesiq: Vuçiq si Millosheviqi, “Serbia e Madhe” nuk do të ndodhë
Ish-presidenti i Kroacisë, Stjepan Mesiq, ka evokuar kujtime nga koha kur ai ...
-
Objekti i vjetër i QKMF-së në Fushë Kosovë “vërshohet” nga qentë endacak, komuna thotë se do ta zgjidhë problemin në vitin 2025
Qentë endacak prej kohësh kanë gjetur një strehë të sigurtë në Fushë Kosovë. ...
-
OVL-UÇK në Gjakovë i reagon asamblistes së VV-së Mimoza Shala: Largoni duart nga dëshmorët
OVL-UÇK në Gjakovë ka reaguar ndaj deklaratës së asamblistes së VV-së, Mimoza...
-
Wall Street Journal: Agjencitë amerikane të zbulimit thonë se ndoshta Putini s’e ka urdhëruar vrḁsjen e Navalnyt
Sipas një artikulli të gazetës ‘Wall Street Journal’ të publikuar të shtunën,...
-
Ahmeti: Nuk vendos Mickoski a shkon BDI-ja në opozitë
Kryetari i Bashkimit Demokratik për Integrim (BDI), Ali Ahmeti, ka thënë se n...