Ministri austriak: Kosovës duhet t’i hiqen vizat, dialogu të përfundojë me njohje
Autori: Gazeta inFokus 13:11 | 14 June 2022
Ministri Federal për Çështjet Evropiane dhe Ndërkombëtare të Austrisë, Alexander Schallenberg, ka thënë se Kosovës duhet t’i liberalizohen vizat dhe të hapen negociatat për anëtarësimin e Maqedonisë së Veriut dhe Shqipërisë në BE.
“Të hapen negociatat me Maqedoninë e Veriut dhe Shqipërinë dhe të bëhet liberalizimi i vizave për Kosovën. Jeni shteti i vetëm që ende s’e ka liberalizimin e vizave dhe këtë do ta shpreh edhe në samitin e radhës. Vjena e di, por duhet ta kuptojnë të gjithë që zgjerimi i BE-së është një instrument gjeostrategjik, proces i cili paraqet modelin tonë të jetës dhe e jetëson atë”.
Kryediplomati austriak tha se dialogu mes Prishtinës dhe Beogradit është i nevojshëm dhe i njëjti duhet të përfundojë me njohje reciproke pa diskutim, njofton Klankosova.tv.
Schallenberg tha se vizita e tij në Kosovë në kohën kur po ndodh pushtimi rus i Ukrainës nuk është e paqëllimshme, duke shtuar se Rusia mund ta destabilizojë rajonin e Ballkanit Perëndimor.
“Një gjë është e qartë – vizita ime po bëhet në kohën kur nuk është e zakonshme dhe me qëllim është bërë në këtë moment kohor në rajonin i cili është shumë i rëndësishëm për Austrinë. Vjena nuk po e vëren vetëm tundjen e cila është shkaktuar nga Rusia, por edhe për shkak të tundjeve në veri-perëndim të cilët janë fqinj të Austrisë dhe ne duhet të kemi parasysh që Moska e ka mundësinë që të bëjë destabilizim të rajonit dhe kjo gjë që na i lëshon zilet e alarmit. Sulmi i Rusisë në Ukrainë është thirrje për të zgjuar BE-në për të trajtuar synimin e anëtarësimit në BE. Premtimi që është dhënë në Selanik është i rëndësishëm që të zbatohet dhe duhet ta mbajmë premtimin”.
Ministri austriak, në konferencën e përbashkët për media me homologen kosovare Donika Gërvalla, tha se Austria synon që të jetë një nga tre investitorët më të mëdhenj në Kosovë.
“Gëzohem shumë dhe është ndjenjë e mirë që të jem sërish në Prishtinë. Nuk mund të numëroj sa herë kam qenë në Prishtinë në funksione të ndryshme dhe çdo herë e vërej se nuk është vetëm një shtet i ri dhe dinamik, por është edhe shteti më i ri në Evropë. Kemi marrëdhënie të shkëlqyeshme në të gjitha rrafshet dhe e thashë edhe më herët në takim me presidenten se duhet të jemi një ndër tre investitorët më të mëdhenj pasi akoma jemi në vendin e katërt, mirëpo besoj se do t’ia dalim së shpejti. Kemi marrëdhënie ekonomike që shumë vite, kemi hapur Forumin Ekonomik Biznesor dhe kemi qasje me universitete austriake që pranojnë të rinj nga Kosova”.
Të tjera
-
Osmani takohet me Zelenskyn në Zvicër: Jemi për të dhënë mbështetje për lirinë e Ukrainës
Presidentja e Kosovës, Vjosa Osmani është takuar sot me presidenten zvicerane...
-
Re lu*fte i afrohen Suedisë? Avioni ushtarak rus shkel hapësirën ajrore
Frika për një shtrirje të luftës së Ukrainës në Europë u ripërtëri me inciden...
-
Bankat thyejnë rekord/ 58 milionë € fitim të pastër për 4 muaj
Bankat komerciale në Kosovë sivjet kanë thyer rekord me fitimet e realizuara,...
-
Mbi dy milionë pelegrinë në Mekë për të kryer haxhin
Më shumë se dy milionë pelegrinë të huaj kanë mbërritur në qytetin e shenjtë ...
-
Shënohet 81-vjetori i lindjes së Ukshin Hotit, Kurti: Detyra e tij ishte t’ia thotë të vërtetën popullit
Me rastin e shënimit të ditëlindjes së 81-të të profesorit dhe mendimtarit po...
-
Beogradi s’do të ofrojë hapësirë për festivalin “Mirëdita, dobar dan”, thotë kryetari i komunës
Ushtruesi i detyrës së kryetarit të komunës së Beogradit, Aleksandar Shapiq, ...
-
Osmani takon homologen malteze: Malta është një vend vërtet mik i Kosovës
Presidentja Vjosa Osmani po vazhdon vizitën zyrtare në Zvicër. Në marxhina të...
-
Përurohet Shtegut i Lirisë “Pashtriku”, në Has-Pashtrik
Në kuadër të aktiviteteve shtetërore në shënim të 25-vjetorit të çlirimit të ...
-
Shitjet e makinave në Kinë u rritën me 8.3 për qind në janar-maj
Shitjet e automjeteve në Kinë u rritën me 8.3 për qind në baza vjetore në afr...
-
Kurti ndahet baras në shah me mjeshtrin i cili e mposhti Kasparovin
Kryeministri i vendit, Albin Kurti, ka marrë pjesë në Kampionatin Ballkanit t...
-
Varroset me nderime ushtarake nënoficeri i FSK-së që vdiq në vendin e punës
Këtë të shtune është varrosur me nderime ushtarake nënoficeri Muhamet Beqiri,...
-
Rreshterja kosovare diplomon në Akademinë e Nënoficerëve në ShBA
Rreshter master, Shpresa Gashi ka diplomuar me sukses në Akademinë Ushtarake ...