Lajme

Ministri Aliu: Nuk kemi prona komunale, i kanë marrë të fortit, komandantët

Autori: Gazeta inFokus 13:13 | 09 November 2021

Ministri i Mjedisit, Planifikimit Hapësinor dhe Infrastrukturës Liburn Aliu, ka thënë se Kosova ka probleme me pronat komunale, pasi ato sipas tij i orën të fortit.

Aliu në një hulumtimin e prezantuar nga “EC Ma Ndryshe” mbi Reforma ligjore e planifikimit hapësinor të Kosovës, tha se ka qenë kundër ligjit të ndërtimit dhe planifikimit hapësinor.

Aliu u shpreh se problemi kryesor mbetet shpronësimi dhe se pronat komunale, i kanë marrë siç tha ai “të fortit”.

“Unë kam qenë kundër Ligjit të ndërtimit dhe planifikimit hapësinor. Për me kthyer duhet hulumtim bazë dhe sa më shumë takime. Është çështja numër një e planifikimit. Ku do t’i marrim paratë për shpronësimin e tokave. Do ta ndryshojmë ligjin e që duhet me u bë patjetër”.

Problem kryesor e kemi shpronësimin. Ne nuk kemi prona komunale, i kanë marrë të fortit, komandantët, me rëndësi do të fortë të cilët i kanë marrë. Problemi është qysh me e zgjidh këtë. Problem kryesor e kemi shpronësimin në rrugën Mat”, tha Aliu.

Të tjera