Lajme

Miliarderi nga Arabia interesohet të investoi në Trepçë

Autori: Gazeta inFokus 13:38 | 19 June 2019

Ministri i Zhvillimit Ekonomik (MZhE), Valdrin Lluka, ka pritur në takim themeluesin e BM Holding, Muhamed Al Barwani, i cili u interesua që të investojë në sektorin minerar të Kosovës.

“Z. Al Barwani është një ndër 50 personat më të pasur në botën arabe dhe ka në pronësi shumë biznese në sektorin minerar, në prodhimin dhe përpunimin e naftës e gazit, dhe në prodhimin e jahteve. Lluka ka mirëpritur z. Al Barwani në takim dhe e ka informuar rreth mundësive të investimit në sektorin minerar të vendit tone, duke i treguar që Kosova është shumë e pasur në plumb, zink, krom, boksite dhe nikel. Poashtu, z. Al Barwani, ju prezantuan edhe 11 zonat me interes të veçantë minerar dhe miniera e Trepçës”, thuhet në njoftimin e MZhE-së.

“Miniera e Trepçës ka 88 minerale të ndryshme dhe është miniera më e pasur në Evropë me plumb dhe zink. Së fundmi, kjo ndërmarrje ka kaluar si shoqëri aksionare dhe tani më është e hapur për investime të huaja. Me investime në teknologji do të mund të shfrytëzoheshin edhe më shumë pasuritë e kësaj miniere”, ka thënë pos tjerash  Lluka.

-Advertisement-

Muhamed Al Barwani, gjithashtu u interesua edhe për sektorin e teknologjisë informative, ku Lluka e ka njoftuar se Kosova është prej vendeve lidere në Evropë në përdorimin e internetit ku 95% e shtëpive posedojnë internet me shpejtësi të lartë dhe që, përmes projektit të Ekonomisë Dixhitale të financuar nga Banka Botërore, pas 3 viteve, Kosova do të mbuloj tërë territorin e saj me fibër optik.

“Muhamed Al Barwani tha se së shpejti do ta vizitoj Kosovën prapë që ti sheh për së afërmi potencialet që ofron sektori minerar i vendit.Në fund, Ministri Lluka i dhuroj z. Al Barwani librin e kristaleve dhe mineraleve të Kosovës, si shenjë kujtimi për vizitën në Kosovë”, thuhet në njoftimin e MZhE-së.

Subscribe në YouTube: GAZETA INFOKUSI

Të tjera

Fokusi

lajme