Lidhja Demokratike e Kosovës të hënën deklarojë se është duke përgatitur një mocion për rrëzimin e Qeverisë.

E kundër kësaj ide ka dalë deputeti i NISMA-së, Milaim Zeka.

Zeka në një prononcim për gazetën inFokus ka thënë ende nuk janë informuar nga LDK-ja për këtë mocion.

-Advertisement-

“Nuk mundet Lidhja Demokratike e Kosovës e asnjë partin politike tjetër me bo mocione dhe me fitu vota të deputetëve përmes gazetarëve, ata duhet të na ftojnë dhe të flasin me ne të bëjmë marrëveshje të brendshme e pastaj të dalin me deklarata para gazetarëve. Krejt kjo punë po bëhet për marketing politik, nuk e kanë qëllimin me e rrëzu as Thaçin e as askënd tjetër”, ka thënë Zeka.

Ai po ashtu ka shtuar se nuk do të votoi pro rrëzimit të Qeverisë.

“Unë personalisht nuk do të votoj rrëzimin e Qeverisë deri në shtatorin e vitit të ardhshëm”, ka thënë ai.

E votën kundër, Zeka e ka arsyetuar se zgjedhjet janë vetëm humbje kohe dhe parash.

“Kjo Qeveri që nga fillimi ka qenë e rrëzume faktikisht, është Qeveri jofunksionale por fati i saj është që opozita është më e rrëzuar dhe më e keqe dhe për këtë po arrijnë me qeverisë në këtë formë. Arsyeja është se besoj se edhe nëse e rrëzojmë Qeverinë edhe 70 herë të njëjtit njerëz kanë më ardhë. Nëse shkojmë në zgjedhje kanë me fitu para disa bandit kriminel, shteti i Kosovës i jep 20 milionë euro për organizimin e zgjedhjeve dhe prapë jemi në të njëjtën situatë”, ka shtuar ai.

Deputeti i NISMA-së në prononcimin dhënë gazetës Infokus ka shtuar gjithashtu se Kosova probleme të tjera më të rëndësishme se zgjedhjet.

“Kosova i ka 1 milionë probleme më të mëdha sesa zgjedhjet e reja, problemet e punëtorëve në KEK, në Post, në spitale dhe në vende të tjera, për mu zgjedhjet nuk janë zgjidhje”, ka përfunduar ai.

Të hënën Nënkryetari i LDK-së, Agim Veliu pas mbledhjes së Grupit Parlamentar ka ripërsëritur se janë duke punuar për të rrëzuar Qeverinë, shkruan gazeta inFokus

“Kryesia e Lidhjes Demokratike këtyre ditëve ka filluar një cikël takime dhe do të vazhdojmë me takime të tjerë drejt organeve vendimmarrëse të LDK-së në mënyrë që këtë situate që është e vështirë për vendin tone ta kalojmë sa më shpejt. Është një disponim i mirë i të gjitha organeve të LDK-së që të punojmë drejt rrëzimit sa më të shpejtë të kësaj Qeverie”, ka thënë Veseli.

Ai madje ka thënë se po punojnë në përgatitjen e një mocioni.

“Ne do të punojmë edhe me subjektet e tjera politike që ta përgatisim një mocion sa më shpejte në mënyrë që të rrëzojmë këtë Qeveri. Qëndrimi i LDK-së është që vendi është një krizë politike dhe Institucionale”, ka shtuar ai./Gazeta inFokus/

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-