Lajme

Milaim Zeka i del në krah Albin Kurtit: AKP-ja është miniera e krimit në Kosovë

Autori: Gazeta inFokus 11:00 | 23 February 2021

Ish deputeti i Kuvendit të Kosovës, Milaim Zeka i ka dalë në krahë Albin Kurtit rreth shqetësimi të tij që Agjencia Kosovare e Privatizimit ka filluar të bëjë privatizime.

Sipas Zekës, AKP-ja është miniere e krimit në Kosovë, shkruan Gazeta Infokus.

“Kryeministri ne ardhje, Albin Kurti, ka shprehur sot nje shqetesim real, ku i ka bere thirreje Bordit te Agjencionit Kosovar te Privatizimit, “qe te mos sfidoje mekanizmat e shtetit”.Njera nga minierat e krimit ne Kosove ka qene, dhe mbetet, ky institucion.”, ka shkruar ai.

-Advertisement-

Sipas Zekës krejt pasuria e Kosovës  është shitur sa një fabrikë e cigareve në Nish.

“Krejte pasuria e Kosoves eshte shitur nga keta xheparosha kriminel, aqe sa eshte shitur nje fabrike e cigareve ne Nish. Mbi bazen e kesaje, qeveria ne ardhje duhet te hap hetime per çdo privatizim, dhe t’i dergoje perpara drejtesise te gjithe ata qe e gllabruan pasurine e prinderve dhe femijeve tane.Ky agjencion ka ngelur qe vetem edhe grate e varret me na i qite ne shitje, dhe me i privatizu per vete…!!!”, ka shkruar mes tjerash ai.

Kujtojmë që kreu i LVV-së, Albin Kurti i ka shkruar një letër të hapur AKP-së që të ndal privatizimet.

“E shoh shumë të rëndësishme që publikisht t’i drejtohem bordit të AKP-së me kërkesë që të mos sfidojë mekanizmat institucional dhe të mos provojë të hapë valë të reja të privatizimit apo likuidimit në kundërshtim me vendimet që janë në fuqi”, ka shkruar Kurti./Gazeta Infokus/
.

Subscribe në YouTube: GAZETA INFOKUSI
E treta e verteta, shpallet fituesi I trete I Lojes Shperblyese se Artmotion?

Të tjera