Lajme

Migrimi ilegal dhe mungesa e reformave, pengesë për liberalizimin

Autori: Gazeta inFokus 07:39 | 19 November 2018

Skepticizëm të madh kanë shfaqur një grup i shteteve anëtare të Bashkimit Evropian sa i përket liberalizimit të vizave për Kosovën.

Kjo e dhënë është evidentuar në një raport të Ministrisë së Punëve të Jashtme, i cili ka derivuar nga takimi i zhvilluar këtë muaj me përfaqësues të 17 vendeve anëtare të Bashkimit Evropian, të cilin e ka parë gazeta. Aty përshkruhet ekzakt qëndrimi i secilit shtet në raport me Kosovën, shkruan sot “Koha Ditore”.

Sipas dokumentit, brengat kryesisht kanë të bëjnë me migrimin ilegal si dhe mospërmbushjen e pritjeve sa u përket reformave të cilat është dashur t’i përmbushë Kosova. Vetëm dy shtete kanë qenë plotësisht në favor të futjes së Kosovës në zonën Schengen.

-Advertisement-

“Në takim kanë marrë fjalën 17 shtete anëtare, prej tyre vetëm Bullgaria dhe Hungaria kanë qenë qartë pozitive dhe mbështetëse për liberalizimin e vizave për Kosovën. Vendet e tjera kanë shprehur pavendosmëri apo brenga për aspekte të ndryshme të ndërlidhura me kushtet/pritjet për reforma”, thuhet në raport. Më tej, përshkrim i bëhet qëndrimit zyrtar të shteteve kryesore të BE-së, në të cilat Kosova vazhdimisht ka llogaritur për mbështetje.

Subscribe në YouTube: GAZETA INFOKUSI

Të tjera