Miftaraj: Vendimi për pezullimin e licencës së Klan Kosovës ngjan me një përpjekje për të kontrolluar mediat
Autori: Gazeta inFokus 17:06 | 16 June 2023
Drejtori Ekzekutiv në Institutin e Kosovës për Drejtësi, Ehat Miftaraj ka thënë se si organizatë anëtare e Rrjetit për të Drejtat e Njeriut, janë jashtëzakonisht të shqetësuar për vendimin e Ministrisë së Industrisë, Ndërmarrësisë dhe Tregtisë për pezullimin e certifikatës së Klan Kosovës.
Miftaraj potencoi se Rrjeti i të Drejtave të Njeriut (HRN) e konsideron këtë vendim si shkelje të drejtpërdrejtë të lirisë së shprehjes dhe medias.
Ai shtoi se vendimi për pezullimin e licencës së Klan Kosovës nga MINT ngjan me një përpjekje për të kontrolluar mediat dhe për të kufizuar lirinë e fjalës.
“Si organizata anëtare të Rrjetit për të Drejtat e Njeriut (HRN), jemi jashtëzakonisht të shqetësuar nga vendimi i fundit i Ministrisë së Industrisë, Ndërmarrësisë dhe Tregtisë (MINT), përkatësisht Agjencisë për Regjistrimin e Bizneseve të Kosovës (ARBK), për pezullimin e certifikatës së biznesit të Shoqërisë Tregtare “Klan Kosova” SHPK, pjesë e së cilës është edhe televizioni publik Klan Kosova”, shkroi Miftaraj.
“Ministria e Industrisë, Ndërmarrësisë dhe Tregtisë (MINT) ka njoftuar më 14 qershor 2023 se ka paraqitur kallëzim penal në Policinë e Kosovës, Departamentin e Krimeve të Rënda, kundër Klan Kosovës dhe përgjegjësve të tjerë nga Agjencia për Regjistrimin e Bizneseve mbi dyshime për keqpërdorim të detyrës zyrtare, detyrë, si dhe keqpërdorim të autorizimeve ekonomike”.
“Rrjeti i të Drejtave të Njeriut (HRN) e konsideron ktë vendim si shkelje të drejtpërdrejtë të lirisë së shprehjes dhe medias. Republika e Kosovës është një shtet demokratik me një Kushtetutë që garanton të drejtat dhe liritë e njeriut, përfshirë atë të lirisë së shprehjes dhe të shtypit të lirë. Pezullimi i licencës së Klan Kosovës pa proces të rregullt ligjor dhe bazuar në dyshime të pabazuara ligjërisht, krijon një precedent të rrezikshëm antidemokratik dhe shtyp të drejtat themelore siç është liria e shprehjes”.
“Vendimi për pezullimin e licencës së Klan Kosovës nga MINT ngjan me një përpjekje për të kontrolluar mediat dhe për të kufizuar lirinë e fjalës. Prandaj, ne jemi shumë të shqetësuar për mesazhin që përcjell jo vetëm për Klan Kosova por për çdo media tjetër në Kosovë. Mediat e lira dhe të pavarura duhet ta kryejnë punën e tyre në mënyrë etike dhe profesionale. Asnjë vendim qeverie nuk ka kompetencë apo autoritet ligjor për të ndërhyrë në këtë proces thelbësor për funksionimin e një shoqërie demokratike”.
“Rrjeti i të Drejtave të Njeriut mbështet fuqishëm lirinë e medias dhe të shprehjes, dhe solidarizohet me të gjitha institucionet mediatike dhe gazetarët/et që kryejnë një punë të pakrahasueshme në baza ditore duke i ushtruar këto liri”.
Ai i ka bërë thirrje kryeministri të Kosovës, Albin Kurti që të anulojë menjëherë vendimin e MINT.
“Një shoqëri demokratike kërkon funksionimin e plotë të ligjit dhe rendit dhe ne vlerësojmë çdo përpjekje për këtë. Por, pezullimi i punës së një media nga Ministria e Industrisë, Ndërmarrësisë dhe Tregtisë është antikushtetues dhe cenon të drejtat e njeriut dhe parimet demokratike në Kosovë. Ne nuk mund të lejojmë në asnjë mënyrë krijimin e precedentëve të tillë frikësues dhe kërcënues në lidhje me lirinë e shprehjes dhe lirinë e medias. I bëjmë thirrje kryeministrit Kurti që të anulojë menjëherë vendimin e MINT dhe të marrë masa të menjëhershme ndaj ministres Rozeta Hajdari për këto veprime të papranueshme ndaj vlerave themelore demokratike”.
Të tjera
-
Kurti viziton qendrën e kulturës “Sami Frashëri” në Ankara të Turqisë
Kryeministri i Republikës Kosovës, Albin Kurti dhe zëvendëskryeministrja, Emi...
-
Zhvillohet simpoziumi “Kina dhe bota: Bashkëpunimi, sfidat dhe përfitimet e përbashkëta
Në Pekin u zhvillua simpoziumi "Kina dhe bota: Bashkëpunimi, sfidat dhe përfi...
-
Kina nxjerr masa për të mbështetur rolin rehabilitues të mjekësisë tradicionale kineze
Kina ka publikuar masa për të mbështetur rolin e mjekësisë tradicionale kinez...
-
Aksident mes tre veturave në rrugën Prishtinë-Pejë, katër persona të lënduar
Një aksident i rëndë trafike ka ndodhur pasditen e sotme në rrugën Prishtinë-...
-
Qeveria e Kosovës lanson platformën për të drejtat e fëmijëve
Në takimin e Komitetit Ndërministror për të Drejtat e Fëmijëve të shtunën ësh...
-
Nga sot, Gjermania do t’i pranojë nga 50 mijë punëtorë të kualifikuar në vit nga Ballkani
Qeveria gjermane modernizoi vitin e kaluar ligjin e migracionit duke lehtësua...
-
Ministri i Jashtëm i Shqipërisë fton shqiptarët e Luginës së Preshevës për pjesëmarrje në zgjedhjet lokale
Ministri i Jashtëm i Shqipërisë, Igli Hasani, ka shkruar një ditë para votime...
-
Alban Hyseni i jep tenderin për renovimin e stadiumit të Gjilanit ofertuesit më të shtrenjtë
Komuna e Gjilanit në krye me Alban Hysenin me 31 maj i ka dhënë tenderin pë...
-
Deputetë të Parlamentit Evropian letër Serbisë për të drejtat e shqiptarëve, Kamberi ia jep meritat Kurtit për lobim
Deputeti shqiptar në Kuvendin e Serbisë, Shaip Kamberi, ka publikuar të premt...
-
Pikëlluese| Sami Lushtaku jep lajmin e hidhur, ka të bëjë me ish-luftëtarin e shquar të UÇK-së
Ish-ushtari i Ushtrisë Çlirimtare të Kosovës, Sami Lushtaku sot ka njoftuar p...
-
I dënuari kapet duke vjedhur në një market në Prishtinë, dërgohet në burg – zbulohet emri i tij
Të dyshuarit që përfshihen në veprimtari të kundërligjshme dhe të dënuarit ng...
-
Të shtëna me armë në Gjermani, raportohet për disa të plagosur
Disa persona kanë mbetur të plagosur nga të shtënat në periferi të Hagen, Gje...