Lajme

Miftaraj për qeverinë pas takimit të Besnik Bislimit në Bruksel: Shumë amatera dhe të padijshëm në diplomaci dhe dialog

Autori: Gazeta inFokus 19:13 | 19 March 2024

“Kurrë mos thuaj kurrë”, është shprehur drejtori i Institutit të Kosovës për Drejtësi IKD, Ehat Miftaraj pas takimit trepalësh në Bruksel ku ndër të tjera u pranua se është diskutuar edhe për cështjen e dinarit.

Kjo pasi zëvendëskryeministri Besnik Bislimi pas takimit që pati në Bruksel me emisarin Miroslav Lajçak, dhe përfaqësuesit serb Petar Petkoviq, u shpreh që me 22 mars Kosova dhe Serbia duhet të dërgojnë propozime për çështjen e dinarit e ku edhe do të diskutohet për to.

E ky reagim i tij erdhi pasi qeveria Kurti e në veçanti edhe zv, kryeministri i parë, Besnik Bislimi kishin thënë se nuk i diskutojnë vendimet e një institucioni të pavarur si është Banka Qendrore e Kosovës e aq më pak që kjo të bëhet temë në dialogun Kosovë – Serbi.

-Advertisement-

“BQK është e pavarur, nuk i diskutojmë vendimet e një institucioni te pavarur, rezultati, Serbia dërgon propozime ne Bruksel lidhur me një vendim te BQK, këtij institucionit te pavarur. Sikur te dëgjonit Presidenten Osmani se çështja e dinarit te zgjidhet ne Prishtine me Amerikanet, nuk do te faktorizonit Serbinë deri ne ata mase sa te jap propozime lidhur çështjet e brendshme te Republikës se Kosovës”, ka shkruar Miftaraj.

Ndryshe eksperti i çështjeve juridike ka thënë për kryeministrin e Kosovës, Albin Kurtin, Besnik Bislimin dhe ministren e Punëve të Jashtme, Donika Gërvallen se po tregohen amatera në diplomaci dhe dialog.

“Shume amatera dhe të padijshëm në diplomaci dhe dialog”, është shprehur Miftaraj.

Ndërsa sot është mbajtur takimi trepalësh në Bruksel, që zgjati gjithsej 4 orë, e që pas takimit pala kosovare ka bërë të ditur se me 22 mars Kosova dhe Serbia kanë afatin e fundit për të dërguar një propozim në lidhje me përdorimin e dinarit në Kosovë.

E po ashtu u paralajmërua edhe një takim tjetër javën e ardhshme për të biseduar edhe për këto propozime që do të i bëjnë të dyja shtetet./Gazeta Infokus/

Subscribe në YouTube: GAZETA INFOKUSI