Lajme

Miftaraj ia kujton Rozeta Hajdarit ligjin që u ndalon klasifikimin e informacionit kur bëhet fjalë për korrupsion e vepra të tjera penale

Autori: Gazeta inFokus 11:37 | 03 August 2023

Drejtori ekzekutiv i Institutit të Kosovës për Drejtësi, Ehat Miftaraj ka publikuar ligjin numër 8 i cili thekson se në cilat raste ndalohet klasifikimi i informacionit.

Kjo si një kundërpërgjigje ndaj qeverisë së Kosovës, konkretisht Ministrisë së Rozeta Hajdarit, të cilës iu publikuan dy afera madhore njëra mijëra euro e tjetra milionëshe që kanë të bëjnë me rezervat e shtetit e megjithatë ende nuk kanë dhënë asnjë informacion duke u thirrur në ligjin që sipas tyre rezervat janë sekret shtetëror.

Sipas këtij ligji numër 8 neni 7, thuhet se ndalohet klasifikimi informacioneve në këto raste.

-Advertisement-

“Ndalimi i klasifikimit të informacionit

Ndalohet klasifikimi i informacionit kur ai bëhet me qëllim që:

1.1. të fshehë shkeljet e ligjit, keqpërdorimin e autoritetit, mosefikasitetin apo gabimin administrativ;

1.2. t’i privojë të drejtën e njohjes një personi, organizate apo institucioni;

1.3. të pengojë apo të vonojë dhënien e informacionit qe nuk kërkon mbrojtje në interes të sigurisë së Republikës së Kosovës;

1.4. të kufizojnë konkurrencën”, thuhet në këtë nen.

Kujtojmë se ende nuk është deklaruar Ministrja e Industrisë, Ndërmarrësisë dhe Tregtisë, Rozeta Hajdari në lidhje me publikimin e përgjimeve që dëshmojnë këto skandale miliona euro në ministrinë e saj e ku konkretisht akuzohet ministrja të ketë ndërhyrë për kryerjen e këtyre marrëveshjeve, pikërisht duke u thirrur në ligjin që sipas saj nuk i lejohet të flasë për rezerva shtetërore./Gazeta Infokus/

Subscribe në YouTube: GAZETA INFOKUSI