Lajme

Meta: Rama, i papërgjegjshëm. Rilindja nuk ka shans të më shkarkojë

Autori: Gazeta inFokus 12:09 | 17 June 2017

Kreu i Kuvendit Ilir Meta e ka quajtur të papërgjegjshme thirrjen e kryeministrit Edi Rama për policët, një ditë më parë. Ai ka dënuar dhe heshtjen e drejtorit të policisë së shtetit.

“Ia kam bërë të qartë që dhe si kryetar Kuvendi por dhe si president i zgjedhur do komunikoj të kërkoj zbatimin e ligjit. Jam i bindur që në polici shumica e tyre duan të vazhdojnë punën dhe në 26 qershor dhe në të të ardhmen. Nuk kanë arsye pse të kenë detyrime as ndaj politikanëve, as ndaj banditëve. Detyra e parë më 26 qershor është ndarja e policisë me krimin dhe bandat. Çdo shef komisariati do të dënohet dhe për mosveprimet në mungesë të moszbatimit të ligjit në favorizim të grupeve kriminale që tentojnë të tjetërsojnë vullnetin e popullit shqiptar. Është e turpshme të kemi ngjarje të tilla e të mos kemi distancime të qarta nga parti politike të përfshira”, tha Meta.

Presidenti i zgjedhur tha se Shqipëria do të ketë qeveri në çdo rast, por theksoi “se nuk do të dekretojë askënd që do të përfshihet në cënimin e standardeve në zgjedhje”.

-Advertisement-

Referuar për deklaratat për një shkarkim të mundshëm të tij, Meta tha se Rilindja nuk ka shans për këtë. “Shqipëria do të ketë qeveri në çdo rast, po nuk do të dekretoj askënd që do të përfshihet në cënimin e standardeve në zgjedhje. Nuk është shantazh nuk është kërcënim, është një premtim dhe unë i mbaj premtimet. Nuk ka shans Rilindja të shkarkojë Ilir Metën, janë shqiptarët që do të shkarkojnë Rilindjen, Rilindja nuk di të bëjë shtet. Asnjëherë nuk ka ndodhur kjo gjë. Cfarë do të thotë kjo? Kjo do të thot fundi i shetit. Është thirrje për kriminelët që bashkëpunojnë me policët”, tha Meta./ Top Channel

Subscribe në YouTube: GAZETA INFOKUSI