Lajme

Meta: 14 maji, dita e dërrmimit të regjimit monist në Shqipëri

Autori: Gazeta inFokus 09:55 | 25 Tetor 2022

Kryetari i Partisë së Lirisë, Ilir Meta deklaroi sot se 14 maji, data kur do të mbahen zgjedhjet e ardhshme lokale, do të jetë dita e “dërrmimit të regjimit monist në vend”.

Përmes një postimi në rrjetet sociale, Meta shprehet se katër vitet e pushtetit vendor “do të marrin fund përgjithmonë”.

“14 Maji do të jetë dita e dërrmimit të regjimit monist në Shqipëri. 4 vitet e pushtetit vendor monist dhe të paligjshëm si as në vendin më prapambetur të Afrikës do të marrin fund përgjithmonë. Partia e Lirisë do garantojë jo vetëm rikthimin e pluralizmit në këshillat bashkiakë, por do të jetë fuqia kryesore e zërit të qytetarëve që do zbatojë Llogaridhënien pa asnjë kompromis me interesin publik dhe qytetar”, tha Meta.

-Advertisement-

“Të shtunën në Konventën Kombëtare zgjedhim ekipin drejtues që do të udhëheq Partinë e Lirisë drejt Fitores të padiskutueshme. Do të jetë së pari triumfi i lirisë të qytetarëve të nëpërkëmbur, të vjedhur, të intimiduar dhe të padëgjuar në këto 4 vitet e pushtetit absolut monist të Rilindjes”, shkruan Meta në Facebook. /Telegrafi/

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy