Rozë

Messi shënon sërish…jashtë fushe

Autori: Gazeta inFokus 14:03 | 16 October 2017

Zërat po qarkullonin prej kohësh, por tani vjen konfirmimi. Lionel Messi do të bëhet baba për të tretën herë. Ajo që e bëri të ditur lajmin e lumtur është bashkëshortja e tij, Antonela Rocuzzo, nëpërmjet një postimi në profilin e saj në “Instagram”, duke konfirmuar shtatzëninë e saj.

Në postim, Antonela publikon një foto, ku shfaqet ajo vet e rrethuar nga futbollisti dhe djemtë e saj, Thiago e Mateo, të cilët kanë prekur barkun e saj.

“Familja prej 5 vetësh”, shkruante Antonela në mesazhin përkrah fotos familjare.

-Advertisement-

Lajmi i shtatzënisë, i publikuar nga Antonela Rocuzzo, përkon me festimet për Ditën e Nënës në Argjentinë. E veçanta për vendin amerikano-latin është se, Dita e Nënës është përcaktuar të jetë në të dielën e tretë të tetorit, pasi më 11 tetor në këtë vend celebrohet admirimi në drejtim të Shën Marisë.

Subscribe në YouTube: GAZETA INFOKUSI