Lajme

Mësohet emri i kryeministrit teknik i Maqedonisë së Veriut

Autori: Gazeta inFokus 22:56 | 20 October 2019

Maqedonia e Veriut shkon në zgjedhje të parakohshme parlamentare, pasi që Këshilli Evropian nuk pranoi që të jep datë për hapjen e negociatave.

100 ditë para zgjedhjeve do të formohet qeveria teknike, apo siç njihet ndryshe në opinion “Qeveria e Përzhinos”.

Sipas burimeve të Express, kryeministër teknik do të jetë ministri aktual i punëve të brendshme, Oliver Sopasovski.

-Advertisement-

Mësohet se Spasovski është propozuar për kryeministër të qeverisë teknike nga kryeministri aktual, Zoran Zaev.

Një gjë e tillë ende nuk është konfirmuar nga organet partiake e as nga partnerët e koalicionit qeverisës.

Vendimi unanim për të shkuar në zgjedhje të parakohshme u morr sot në takimin e liderëve, të thirrur nga presidenti i Maqedonisë së Veriut, Stevo Pendarovski.

Partitë opozitare tash e një kohë të gjatë kërkonin zgjedhje të parakohshme.

Subscribe në YouTube: GAZETA INFOKUSI

Të tjera

Fokusi

lajme