Lajme

Mësimdhënësit janë gati për të filluar vitin e ri shkollor me 13 shtator

Autori: Gazeta inFokus 10:50 | 10 Shtator 2021

Mësimdhënësit kosovarë janë të gatshëm për fillimin e vitit të ri shkollor me 13 shtator.

Këtë për Gazetën Infokus e ka bërë të ditur i pasi i Sindikatës së Bashkuar të Arsimit, Rrahman Jashari.

Ai ka deklaruar se ajo që i gëzon më së shumti është shtimi i vazhdueshëm i numrit të të vaksinuarve.

-Advertisement-

“Me plotë përgjegjësi ne nga SBASHK-u rikonfirmojmë se punëtorët e arsimit janë të gatshëm për të filluar vitin e ri shkollor. Ajo që na gëzon më shumë është që ka shtim të vazhdueshëm të numrit të të vaksinuarve. Kjo shifër tashmë ka tejkaluar 90%. Domethënë stafi punëtor dhe të gjithë mësimdhënësit janë të gatshëm”, tha Rrahman Jashari për Gazetën Infokus.

Jashari gjithashtu tha se SBASHK-u, janë në pritje të vendimit nga Institucionet përgjegjëse.

“Qëndrimi ynë është që përkrahim çdo vendim që do të vijë nga institucionet si Instituti i Shëndetit Publik, Ministrisë së Shëndetësisë, gjithashtu edhe Qeveria. Ne jemi në pritje dhe jemi të gatshëm për të filluar, por varet krejt nga institucionet çfarë do të vendosin tutje”, shtoi Jashari.

Kujtojmë që Ministria e Arsimit, Arbërie Nagavci mbrëmë përmes një postimi në rrjetin social Facebook, tha se ende nuk dihet saktësisht nëse do të filloj mësimi më 13 shtator siç ishte vendosur.

Ajo bëri me dije se sipas profesionistëve shëndetësor, dhe sipas raportit të IKSHP-së, vendi duhet të vazhdoj me masa të njëjta edhe për një periudhë të caktuar, deri në përmirësimin e situatës me pandeminë dhe rivlerësimin e masave. Megjithëkëtë sipas saj vendimi pritet të merret nga qeveria e Kosovës./Gazeta Infokus/

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy