Lajme

Mësimdhënësit me grevë ditore më 12 Mars

Autori: Gazeta inFokus 16:35 | 05 March 2018

Mësimdhënësit në tërë sistemin arsimor përveç çerdheve pritet të hyjnë në grevë një ditore të hënën e ardhshme ndërsa më 13 prill parashihet fillimi i në greve me afat të pacaktuar.

Qeveria e Kosovës i ka një javë kohë për të miratuar dhe për ta dërguar në Parlament Projektligjin për Punëtorët e Arsimit të Viteve të 90-ta për të parandaluar një grevë një ditore të mësimdhënësve.

Sindikata e Bashkuar për Arsim, Shkencë dhe Kulturë (SBASHK), ka miratuar një rezolutë ku parashihet që të mbahet një grevë një ditore në rast të mos plotësimit të kërkesave tyre që në parim është miratimi i Projektligjit për Punëtorët e Arsimit të Viteve të 90-ta.

-Advertisement-

Lajmin e konfirmoi për KALLXO.com, Rrahman Jasharaj, Kryetari i sapozgjedhur në mandatin e dytë në SBASHK.

“Kjo grevë do të parandalohej nëse qeveria debaton dhe e vë në rend dite të qeverisë ligjin për mësimdhënësit e viteve të 90-ta dhe i jep dritë të gjelbër dhe e dërgon në Parlament për procedurë të mëtutjsheme që deputetët të votojnë”, tha Jasharaj.

Ai po ashtu konfirmoi se nëse kërkesat e tyre vazhdojnë të jenë të paplotësuar, më 13 prill parashihet fillimi i një greve me afat të pacaktuar.

SBASHK kishte mbajtur dy greva javën e parë të shkurtit me kërkesën e njëjtë.

KALLXO.com ka raportuar lidhur me të gjitha kërkesat e SBASHK-ut drejtuar qeverive komunale dhe qeverisë qendrore.

Subscribe në YouTube: GAZETA INFOKUSI
Etiketa:
BKT Kosova vlerësohet për herë të tretë "Banka e Vitit 2023 në Kosovë" nga The Banker

Të tjera