Lajme

Merkeli e uron Macronin për fitore madhështore, i premton ndihmë në ekonomi

Autori: Gazeta inFokus 15:18 | 08 May 2017

Kancelarja e Gjermanisë, Angela Merkel, e ka uruar presidentin e porsazgjedhur të Francës, Emmanuel Macron, për suksesin madhështor të arritur në zgjedhjet e së dielës, duke u zotuar se do ta ndihmojë Francën që ta luftojë papunësinë dhe se do të punojë me Macronin për ta promovuar stabilitetin evropian.

“Ai mban shpresën e miliona qytetarëve francezë, të shumë qytetarëve gjermanë dhe të tërë Evropës,” ka thënë sot Merkel në një koncerencë për media, transmeton Express.

“Ai bëri një fushatë guximshme pro-evropiane, është i hapur para botës dhe është i përkushtuar me vendosmëri për një treg ekonomik shoqëror,” ka thënë Merkel.

-Advertisement-

Bashkëpunimi franko-gjerman është gurthemel i politikës së jashtme gjermane, tha ajo, por shtoi se Gjermania nuk ka nevojë ta ndryshojë kursin e ekonomisë së vet për t’iu përgjigjur fitores së Macronit në zgjedhje./Express/

Subscribe në YouTube: GAZETA INFOKUSI