Deputeti i PDK-së, Mërgim Lushtaku e ka quajtur “qeveri rrugaçësh” Qeverinë Kurti, kjo pasi pushteti refuzoi të përgjigjet në pyetjet  parlamentare të deputetëve të opozitës që nuk i kanë votuar marrëveshjet ndërkombëtare.

Lushtaku tha se Qeveria Kurti  nuk po arrin t’i përmbushë detyrat për të cilat e ka marrë besimin e qytetarëve, teksa qeverisjen e partisë në pushtet e quajti shembullin më të keq të udhëheqjes me shtetin.

“Meqenëse e kemi një tjetër dimension të Qeverisë autokrate, Qeverisë Kurti në vend edhe pse jemi shtet demokratik shihet qartë që shkelet Kushtetua. Këto nuk i kanë marrë seriozisht përgjegjësitë për të udhëhequr me vendin. Kjo tregon shumë qartë që nuk duhet të votohet një Qeveri e udhëhequr nga rrugaçët, të cilët nuk marrin përgjegjësinë e duhur për qytetarët e vendit. Ky është shembulli më i keq që nuk duhet ndjekur.

-Advertisement-

Një kryeministër si Kurti që fëmijët e tij i rritë jashtë Kosovës, nuk e ka ndjeshmërinë e përgjegjësisë së tij. Unë e kuptoj me i pasë përfaqësuesit e popullit edhe deputetët edhe ministrat familjet e tyre jashtë vendit, por nuk i kuptoj me i pasë presidenti, kryeministri apo kryeparlamentari. Kjo tregon papërgjegjshmërinë e madhe ndaj një besimi që e ka marrë nga qytetarët. Më vjen keq që qytetarët e Kosovës në krye të vendit duhet të shohin një politikan i cili asessi se ka marrë përgjegjësinë për këtë post”, u shpreh ndër të tjera Lushtaku në seancën e Kuvendit.

Kryeministri i Kosovës, Albin Kurti në seancën e sotme të Kuvendit ka thënë se nuk do të përgjigjet në pyetjet parlamentare të deputetëve të opozitës që nuk janë duke i votuar marrëveshjet ndërkombëtare.

Kurti në seancë tha se për shkak që nuk votojnë marrëveshjet ndërkombëtare, asnjë nga deputetët që bëjnë pyetje, nuk do të kenë përgjigjen e tij.

“Për shkak se nuk po i votoni marrëveshjet ndërkombëtare, të gjithë deputetët që i bëjnë pyetjet nuk do ta kenë përgjigjen time edhe pse tashmë i kam të përgatitura. Duhet të jemi kolegë të të njëjtit shtet e jemi kolegë të të njëjtit shtet nëse bëhet fjalë për mbrojtjen dhe përfaqësimin e interesit shtetëror. Nuk ka pasur kryeministër në Kosovën e pavarur që është përgjigjur më shpesh e më përpikëri në pyetjet parlamentare. Rrjedhimisht atëherë kur do të jeni deputete e Kuvendit të Kosovës, vetëm atëherë unë do të përgjigjem në pyetje parlamentare”, është shprehur Kurti në Kuvend.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-