Koliti ulçeroz është një sëmundje inflamatore që prek zorrët dhe rektumin, ku shkakton plagë të ndryshme në pjesën e brendshme të tyre. Koliti shkakton dhimbje, fryrje dhe diarre. Sëmundja ka tendencën të përkeqësohet me konsumin e disa ushqimeve specifike siç janë: fasulet, kafeja, mishi, misri, çokollata, pijet e gazuara dhe qepët. Një studim i universitetit të Teksasit ka zbuluar se arrat ofrojnë një sërë përfitimesh kundër infamacionit të zorrës së trashë dhe rekomandohen kundër kancerit që prek këtë zonë.

Zbulimet e studimeve në Teksas tregojnë se arrat ofrojnë mbrojtje kundër kolitit, një sëmundje që prek miliona njerëz në botë. Gjatë eksperimenteve të kryera në harkun kohor të dy javëve, studiuesit vunë re se konsumi i arrave nxit riparimin e zonave të dëmtuara nga inflamacioni në zorrën e trashë dhe rrallon episodet e kolitit. Ekspertët nënvizojnë se ky zbulim nuk do të thotë që njerëzit që vuajnë nga koliti duhet të konsumojnë sasi të mëdha arrash për të shpëtuar nga ky problem. Sipas tyre, konsumi i arrave duhet të jetë gjithsesi i një niveli mesatar por i vazhdueshëm deri sa të mësohet se cili prej përbërësve aktivë të arrave lufton inflamacionin në zorrën e trashë.

Çfarë Duhet Të Shmangni Nëse Vuani Nga Koliti
Ekspertët këshillojnë shmangien e produkteve të mëposhtme nëse vuani nga koliti.

Produktet e bulmetit shkaktojnë ose përkeqësojnë simptomat e kolitit. Por kjo nuk do të thotë që duhet të qëndroni larg qumështit. Ekspertët thonë se të pasurit kolit, nuk nënkupton automatikisht intolerancë ndaj laktozës. Kjo e fundit ka shumë të bëjë me sasinë e enzimave të konsumuara të qumështit.

Misri dhe kërpudhat
Misri dhe kërpudhat treten me vështirësi, thonë ekspertët. Pavarësisht intensitetit të përtypjes, misrat sërish arrijnë të shkaktojnë irritim të zorrëve dhe diarre në rastet e njerëzve që vuajnë nga koliti. Ekspertët rekomandojnë shmangien e ushqimeve që treten me vështirësi siç janë misri, kërpudhat, lakra, farat dhe arrorët.

Mishi me dhjamë
Mishi me dhjamë është një produkt që duhet t’i qëndroni larg. Më mirë zgjidhni produkte mishi pa dhjamë sepse ky i fundit arrin të përkeqësojë simptomat. Qoftet, roleja dhe mishra të tjerë të butë e të gatuar mirë treten më lehtë se bifteku.

Erëzat
Erëzat pluhur apo të bluar hollë mund të jenë pjesë e regjimit tuaj ushqimor pa problem. Nëse gatuani me erëza ose barishte të freskëta siç janë piperi kokërr ose majdanozi, sigurohuni që t’i grini ose bluani hollë që të jenë më të tolerueshme për stomakun.

BLACK FRIDAY ME ZBRITJE DERI 70%

Sponsoruar