Lajme

Menaxhmenti i Trepçës del me një njoftim të ri për pagat e minatorëve

Autori: Gazeta inFokus 09:59 | 10 August 2024

Pagat e minatorëve pritet të ekzekutohen në fillim të javës së ardhshme. Kështu ka deklaruar ushtruesi i detyrës së Kryeshefit Ekzekutiv të ndërmarrjes “Trepça”, Faton Ahmeti, i cili u emërua në këtë detyrë para gati një jave.

 E kam një bindje që në fillim të javës së ardhshme të ekzekutohen pagat për minatorët në bazë të asaj se çfarë biseduam me minatorët”, ka thënë Ahmeti për Koha.net pas takimit që ka zhvilluar sot me përfaqësuesit e Sindikatës së Pavarur të Minatorëve.

Ish-Kryeshefi i shkarkuar, Bashkim Kurti, kishte thënë se pagat do të dalin në fillim të kësaj jave, mirëpo kjo nuk ka ndodhur.

-Advertisement-

Minatorët janë në grevë që disa javë pasi nuk kanë marrë pagat e tyre. Shumë prej punonjësve edhe publikisht kanë treguar se gjendja e tyre financiare dhe e familjeve të tyre është rënduar dhe kanë hyrë në borxhe.

Ndërkohë nga Ndërmarrja publike “Trepça Sh.A”, janë arsyetuar se problemi është përformanca e ulët e prodhimit dhe humbjet e borxhet e grumbulluara.

Subscribe në YouTube: GAZETA INFOKUSI
Artmotion me ofertë PAKO SUPREME – kësaj radhe më shumë argëtim!
-Advertisement-

Të tjera

Fokusi

lajme