Lajme

Memli Krasniqi: VV s’po e pranon humbjen – Albulena Haxhiu nuk kalon

Autori: Gazeta inFokus 10:44 | 05 May 2025

Kryetari i PDK-së, Memli Krasniqi, ka akuzuar Lëvizjen Vetëvendosje se po e mban peng formimin e institucioneve duke mos pranuar humbjen në zgjedhjet e fundit.

“VV nuk po e pranon humbjen që e ka pësuar, sepse kërkesa e tyre ka qenë për referendum – e ai ka dështuar. Përgjegjësia është e tyre, atyre u takon të bëjnë hapin e parë. Po përsërisin të njëjtin qasje, por duhet ta kuptojnë: kur nuk të pëlqen realiteti, nuk duhet ta ndryshosh atë, por veten.”

Krasniqi kërkoi nga VV të heqë dorë nga “mentaliteti autoritar dhe imponues” dhe të propozojë një kandidaturë që mund të zhbllokojë situatën. “Ne mund të vijmë edhe 111 herë tjera, me shumë keqardhje për qytetarët tanë, por Albulena Haxhiu nuk kalon,” përfundoi ai./GazetaInfokus

-Advertisement-

Subscribe në YouTube: GAZETA INFOKUSI