Lajme

Memli Krasniqi prezanton të detajuara 5 masat për dalje nga kriza ekonomike

Autori: Gazeta inFokus 17:30 | 20 September 2022

Kryetari i Partisë Demokratike të Kosovës, Memli Krasniqi, ka prezantuar sot të detajuara 5 masat e propozuara nga ai, që do të ndikonin në përballjen e qytetarëve me gjendjen e rëndë ekonomike në të cilën po kalon Kosova.

Lideri i opozitës, ka publikuar në faqen e tij në Facebook, 5 masat e detajuara, me shifra konkrete se si do të ndikonin në ndihmën e qytetarëve të Kosovës.

Deri tani, Qeveria e Kosovës nuk ka pasur ndonjë reagim nëse këto propozime të kryetarit të PDK-së Memli Krasniqi do të marrin mbështetjen e pushtetit.

5 masat e propozuara nga Memli Krasniqi:

Të lirohen nga TVSH-ja të gjitha mallrat esenciale të konsumit për një periudhë gjashtë-mujore. Duke marrë parasysh se kostoja mesatare e shportës së produkteve ushqimore esenciale për një familje kosovare është rreth 422 euro, nga kjo masë një familje mesatarisht do të përfitonte një zbritje të kostos së jetesës prej 33,76 euro në muaj.

Të lirohen nga akciza produktet e naftës për një periudhë gjashtë-mujore, gjë e cila do të ulë çmimin e naftës për 36 centë në litër. Duke supozuar një shpenzim mujor prej 60 litra naftë në muaj për një familje, atëherë përfitimi direkt mesatar mujor nga kjo masë do të ishte 21.6 euro në muaj.

Të lirohet nga TVSH-ja konsumi i energjisë elektrike për një periudhë gjashtë-mujore dhe të subvencionohen me 25% faturat e atyre që konsumojnë deri në 1200 këh. Duke marrë për bazë një faturë prej rreth 90 euro që rezulton nga një konsum i tillë, atëherë vlerësojmë se përfitimi mujor nga kjo masë për një familje do të jetë 27.9 euro.Të rriten pagat, pensionet, dhe ndihmat sociale për aq sa është norma mesatare e inflacionit.

Të lejohet tërheqja deri në 30% e kursimeve pensionale dhe të rimbursohet gradualisht shuma e tërhequr për kontribuesit që kanë më pak se 10 mijë euro në llogarinë e Trustit.

Të tjera