Memli Krasniqi: Kryeministri dhe Presidentja sfiduan rendin Kushtetues të Kosovës
Autori: Gazeta inFokus 19:59 | 10 December 2022
Kryetari i Partisë Demokratike të Kosovës, Memli Krasniqi, ka thënë se tentimi i Presidentes Vjosa Osmani dhe Kryeministrit Albin Kurti për t’u fshehur prapa konsensusit për t’i shtyer zgjedhjet, është një tjetër dëshmi e paaftësisë së tyre për t’i zbatuar obligimet kushtetuese dhe për të garantuar kushte e siguri për mbajtjen e zgjedhjeve në territorin e Republikës së Kosovës.
Kreu i PDK-së ka shkruar në faqen e tij në Facebook se Qeveria sot e pranoi se nuk është e aftë që të garantojë mbarëvajtjen e procesit zgjedhor të cilin e shkaktoi dhe e kërkoi edhe vet.
Lideri i opozitës tha se ky dorëzim i Qeverisë para bandave kriminale në pjesën veriore të Republikës së Kosovës e dobëson shtetin, e vështirëson edhe më tej gjendjen atje dhe e sfidon tutje rendin kushtetues.
Deklarata e plotë e Memli Krasniqit:
Sot, i jemi përgjigjur pozitivisht ftesës së Presidentes Osmani për takim konsultativ, duke konsideruar se mbajtja e zgjedhjeve në pjesën veriore të vendit, përveç obligim kushtetues, është edhe interes nacional.
Që nga shpallja e zgjedhjeve, e tëra që kemi kërkuar si PDK nga Qeveria dhe institucionet përgjegjëse ka qenë garantimi i sigurisë dhe kushteve për zgjedhje të lira dhe demokratike. Por, fatkeqësisht, sot kuptuam se qeveria ka dështuar në zbatimin e mandatit të saj për t’i krijuar këto kushte.
Përderisa për shpalljen e zgjedhjeve Presidentja përmbushi një obligim kushtetues, për shtyerjen e tyre ajo nuk ka një mandat të tillë. Konsensusi i kërkuar nga partitë politike sot nuk është obligim ligjor.
Tentimi i Presidentes dhe Kryeministrit për t’u fshehur prapa këtij konsensusi është një tjetër dëshmi e paaftësisë së tyre për t’i zbatuar obligimet kushtetuese dhe për të garantuar kushte e siguri për mbajtjen e zgjedhjeve në territorin e Republikës së Kosovës.
Të vetëm, si PDK, pavarësisht qëndrimit tonë konsistent, ne nuk mund të imponojmë mbajtjen e zgjedhjeve në pjesën veriore të Kosovës, sepse instrumentet e nevojshme dhe përgjegjësinë shtetërore për këtë e ka Qeveria dhe institucionet e tjera përgjegjëse.
Por, kjo Qeveri sot e pranoi se nuk është e aftë që të garantojë mbarëvajtjen e procesit zgjedhor të cilin e shkaktoi dhe e kërkoi edhe vet. Ky dorëzim i Qeverisë para bandave kriminale në pjesën veriore të Republikës së Kosovës e dobëson shtetin, e vështirëson edhe më tej gjendjen atje dhe e sfidon tutje rendin kushtetues.
Instalimi i barrikadave sot në veri, në kohën kur po merrej vendimi për mosmbajtjen e zgjedhjeve, është dëshmi se kjo tërheqje e Qeverisë nga zbatimi i ligjit dhe kushtetutës e rrezikon edhe më shumë ushtrimin e sovranitetit të plotë në katër komunat e veriut. Qeveria duhet të jap përgjegjësi për këtë prapakthim dhe për dëmin që tashmë ia ka shkaktuar vendit më veprimet e veta të pamenduara.
Nëse kthehemi vetëm pak ditë prapa, kujtojmë se ishte pikërisht Kryeministri Kurti që nisi një zinxhir të veprimeve të pamatura dhe në kundërshtim me interesat e vendit dhe këshillat e aleatëve tanë kryesorë, SHBA-ve, të cilat si përfundim krijuan krizë institucionale e shtetërore atje. Ajo krizë, e cila vazhdoi të keqmenaxhohet, solli edhe zgjedhjet – për mbajtjen e të cilave Kryeministri dhe Qeveria tani u zbrapsën.
Në këtë situatë sfiduese, PDK kërkon nga të gjitha institucionet relevante shtetërore që të rrisin vëmendjen dhe angazhimet e tyre në lidhje me pjesën veriore të Kosovës, për të rikthyer normalitetin dhe për të garantuar sovranitetin në çdo cep të shtetit tonë.
Të tjera
-
Rrahja në Kuvend: Pas pajtimit për ndërmjetësim mes VV-së e PDK-së, hudhet poshtë aktakuza
Në qershor të vitit 2023, Lëvizja Vetëvendosje dhe Partia Demokratike e Kosov...
-
DASH lidhur me aktakuzën për Banjskën: Të respektohet procesi gjyqësor
Shtetet e Bashkuara tha se inkurajojnë respektimin e procesit gjyqësor dhe të...
-
Dyshohet se sụlmoi fizikisht nënën dhe motrën e tij, arrestohet një burrë në Klinë
Policia e Kosovës ka arrestuar një burrë në Klinë, meqë i njëjti dyshohetr se...
-
Dyshohet se një fëmijë në Gjakovë është keqtrajtuar fizikisht
Dyshohet se një fëmijë në Gjakovë është se është kequshqyer, edhe është keqtr...
-
Arrestohet një person në Lipjan, në vazhdimësi përcillte një grua
Është arrestuar një person në Lipjan. Policia e Kosovës, ka bërë të di...
-
Torres i reagon Vuçiqit: Kosova nuk kthehet mbrapa, je në anën e gabuar të historisë
Kongresisti amerikan, Ritchie Torres, ka reaguar ndaj fjalimit të presidentit...
-
PDK akuzon Qeverinë për dështim total në tërheqjen e investimeve
Partia Demokratike e Kosovës konsideron se Kosova ka dështuar në thithjen e i...
-
Policia largon posterat me foton e Radojçiqit që u vendosën në tri komuna në veri, i merr si provë materiale
Policia e Kosovës ka konfirmuar se në tri komunat veriore, Leposaviq, Zubin P...
-
KFOR-i përfundon stërvitjen e udhëhequr nga EUFOR “Reagimi i Shpejtë 2024” në Bosnje dhe Hercegovinë
KFOR-it ka bërë të ditur se ka përfunduar stërvitja e nga EUFOR “Reagimi i Sh...
-
Arrestohet një burrë në Novobërdë për ạrmëmbajtje pa leje
Është arrestuar një i dyshuar për armëmbajtje pa leje në fshatin Bushincë të ...
-
Bie çmimi i druve, sivjet 50 deri 55 euro metri, kosovarët po preferojnë ngrohjen me kondicionerë
Konsumi i energjisë elektrike është rritur gjatë muajve të verës krahasuar me...
-
Evropa Qendrore mund të përballet me vërshimet më të ashpra në dekada
Shtetet e Evropës Qendrore kanë bërë përgatitje intensive, pasi ka parashikim...