Lajme

Memli Krasniqi: 99% vitin e ardhshëm do të ketë zgjedhje sërish

Autori: Gazeta inFokus 10:40 | 04 April 2025

Kryetari i Partisë Demokratike të Kosovës (PDK), Memli Krasniqi, është shprehur i bindur se Kosova do të përballet me zgjedhje të parakohshme gjatë vitit të ardhshëm, duke e vlerësuar këtë mundësi me 99% siguri, shkruan Gazeta Infokus.

Krasniqi theksoi se pengesa kryesore për të shmangur zgjedhjet mbetet pamundësia për të siguruar 80 vota në Kuvend për zgjedhjen e presidentit të ri.

“Sipas të gjitha gjasave, vitin e ardhshëm do të kemi zgjedhje – me 99% mundësi. Nuk ka kush t’i sigurojë 80 vota për zgjedhjen e presidentit. Rasti i Atifete Jahjagës ka qenë krejtësisht tjetër, me një koalicion ndryshe dhe rrethana të tjera. Nuk mund të krahasohet,” u shpreh Krasniqi.

-Advertisement-

Ai shtoi se është e pakuptimtë të pritet që Albin Kurti ta formojë një qeveri të re, duke theksuar se opozita është e bashkuar dhe e fuqishme, ndërsa pozita është në një pozitë të dobësuar.

“Ka prej atyre që thonë ‘le të qeverisë Kurti, le të vazhdojë punën’, por realisht ai nuk mund të bëjë asgjë. Opozita është e fortë, dhe ai është i dobët. Mund të rrëzohet,” përfundoi kreu i PDK-së.