Lajme

Memaj kryetar i Shoqatës së Qumështarëve të Kosovës 

Autori: Gazeta inFokus 10:25 | 26 April 2017

Ministria e Administratës Publike i ka dhënë fund konfuzionit rreth asaj se kush e udhëheq Shoqatën e Qumështarëve Kosovës.

Me një vendim të datës 14 prill kjo ministri përgjegjëse për rregullimin e sektorit të OJQ-ve ka hedhur poshtë një vendim të mëhershëm për ndryshim statuti ku disa anëtarë të kësaj shoqatë ishin përpjekur të largojnë Ramadan Memajn nga pozita e kryetarit.

Ky veprim është konsideruar i paligjshëm nga Komisioni për Shqyrtimin e Ankesave të OJQ-ve pranë MAP-it, i cili e ka shfuqizuar këtë vendim, duke e kthyer kështu Ramadan Memajn si kryetar të shoqatës.

-Advertisement-

“Komisioni në mbledhjen e mbajtur më 14.03.2017 pasiqë vlerësoji të gjitha provat dhe shkresat e lëndës, vendosi ta pranoi ankesën si dhe ta anuloj vendimin e Departamentit të OJQ-ve për shkak të pavlefshmërisë absolute”, thuhet ndër të tjera në vendimin e MAP-it.

Shoqata e Qumështarëve është duke avokuar që disa vite pranë institucioneve vendore dhe opinionit publik për parregullsitë në industrinë e qumështit, e sidomos për përdorimin e vajit të palmës, i cili së fundi nga një raport i agjencionit për siguri shëndetësore të BE-së është cilësuar si kancerogjen dhe gjenotoksik.

Ramadan Memaj kishte akuzuar më parë pikërisht disa nga anëtarët e kësaj shoqatë si përdoruesit më të mëdhenjë të vajit të palmës, të cilët pastaj kishin mbajtur kuvendin e kontestuar pas të cilit kishin bërë kërkesë në MAP për ndryshim statuti.

 

 

Etiketa:
Düsseldorf–Prishtinë, dy fluturime në ditë – rezervoni me PrishtinaTickets
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy