Lajme

Mehaj pas miratimit të projektligjit për ndryshimin e ligjit për FSK-në: Vazhdojmë me sukseset e radhës!

Autori: Gazeta inFokus 13:31 | 20 July 2022

Ministri i Mbrojtjes, Armend Mehaj, pas miratimit të projektligjit për ndryshimin dhe plotësimin e ligjit për FSK-në ,ka thënë se ky projektligj siguron krijimin e bazës bashkëkohore ligjore, shkruan Gazeta Infokus.

Ai përmes një postimi në “Facebook”, ka thënë se duke avancuar e fuqizuar edhe përcaktimin tonë si aspirues serioz për anëtarësimi në NATO, dhe mekanizmave tjera ndërkombëtarë të fushës së sigurisë.

“Miratimi i këtyre projektligjeve siguron krijimin e bazës bashkëkohore ligjore për Ministrinë, Forcat dhe vet ushtarakët tanë, duke avancuar e fuqizuar edhe përcaktimin tonë si aspirues serioz për anëtarësim në NATO-s dhe mekanizmave tjera ndërkombëtarë të fushës së sigurisë. Gjithashtu sukses i radhës është edhe miratimi i sotëm i propozim-vendimit përfundimtar për shpronësim për interes publik të pronave të paluajtshme të cilat gjenden brenda lokacionit të ish-Aeroportit të Gjakovës, për nevojat e realizmit të projekteve infrastrukturore të Ministrisë së Mbrojtjes, në zonat kadastrale Bec, Trakaniq dhe Janush të Komunës së Gjakovës”, ka shkruar Mehaj.

-Advertisement-

Ai po ashtu ka shtuar se qeveria me miratimin e vendimit përfundimtar për shpronësim krijon mundësi për fillimin e zbatimit të projekteve që ka në plan Ministria e Mbrojtjes.

“Qeveria e Kosovës me miratimin e vendimit përfundimtar për shpronësim krijon mundësi për fillimin e zbatimit të projekteve që ka në plan Ministria e Mbrojtjes si dhe përmes shpronësimit mundëson realizimin e të drejtave të pronarëve të pronave për shpronësim. Vazhdojmë tutje edhe me projekte e suksese të reja!”, ka shkruar tutje Mehaj./Gazeta Infokus/

Më poshtë gjeni postimin e tij të plotë:

Subscribe në YouTube: GAZETA INFOKUSI