Lajme

Mehaj kujton Ukshin Hotin: Vepra dhe jeta e tij do mbeten gjithmonë busulla e rrugëtimin tonë

Autori: Gazeta inFokus 10:48 | 16 May 2023

Ministri i Mbrojtjes, Armend Mehaj, e ka përkujtuar veprimtarin e Lëvizjes Kombëtare Ukshin Hoti, në 24-vjetorin e zhdukjes së tij, shkruan Gazeta Infokus

Ai përmes një postimi në “Facebook”, ka thënë se Hoti ishte fenar i kombit shqiptar.

“Të pakta janë qeniet njerëzore ekzistenca e të cilëve lë gjurmë ndër breza, me një urtësi që të ngjallë siguri e hedhë dritë mbi vetëdijen shoqërore, duke shërbyer si një udhërrëfyes që përkundër çdo stuhie gjen rrugën drejt të interesave të përgjithshme që tejkalojnë individualen, të pjesshmen, e synojnë idealen. Ukshin Hoti i tillë ishte, fanar i kombit shqiptar, figurë që na ka frymëzuar si popull dhe vazhdon të na frymëzojë edhe sot e kësaj dite”, ka shkruar Mehaj.

-Advertisement-

Ndryshe ai shtoi se vepra dhe jeta e Ukshin Hotit “do të mbetet gjithmonë busulla e rrugëtimit tonë si shtet e komb”.

“I përjetshëm do të jetë kujtimi për të!”, ka përfunduar Mehaj./Gazeta Infokus/

Subscribe në YouTube: GAZETA INFOKUSI