Lajme

Mehaj: FSK-ja i bashkohet Task Forcës Jug në Shqipëri për “Defender Europe 23”

Autori: Gazeta inFokus 12:08 | 22 Maj 2023

Ministri i Mbrojtjes, Armend Mehaj, ka bërë të ditur se Forca e Sigurisë së Kosovës me oficerë e nënoficerë i bashkohet shtabit të Task Forcës Jug në Shqipëri.

Ai, me anë të një postimi në rrjetin social Facebook, ka thënë se kjo është në kuadër të realizimit të ushtrimit ndërkombëtar “Defender Europe 23” të udhëhequr dhe drejtuar nga ushtria amerikane për Evropë e Afrikë.

Po ashtu, edhe në Kosovë dje filloi ushtrimi ndërkombëtar “Defender ’23”, që do vazhdojë deri më datën 2 qershor, me ç’rast FSK do të tregoj kapacitetet e saja luftarake, e po ashtu shkallën e ndërverprueshmërisë ushtarake.

-Advertisement-