Mediumi gjerman paralajmëron luftë Greqi-Turqi
Autori: Gazeta inFokus 11:06 | 15 June 2022
Marrëdhëniet për ishujt e Egjeut midis Greqisë dhe Turqisë janë tensionuar jashtë mase muajin e fundit, si pasojë e shkeljeve ajrore dhe detare nga dy vendet sipas Athinës zyrtare dhe Ankarasë.
Kohët e fundit zyrtarë turk dhe grekë kanë dalë në media, duke kritikuar politikat e njëri tjetrit.
Situata u tensionua akoma më shumë kur kryeministri grek, Kyriakos Mitsotakis i kërkoi SHBA-ve të mos i shesin Ankarasë avionë luftarakë.
Tensionet Athinë-Ankara kanë tërhequr vëmendjen ndërkombëtare, teksa mediet perëndimore shkruajnë artikuj me tituj që paralajmërojnë një luftë të
mundshme mes dy vendeve.
“Konflikti për ishujt e Egjeut: Erdogan kërcënon Evropën me luftën e ardhshme”, ky është titulli i një komenti të kryeredaktorit grek të gazetës
gjermane Münchner Merkur, lidhur me kërcënimet e reja të Turqisë kundër Greqisë mbi të drejtat sovrane në ishujt lindorë të Egjeut.
Ndër të tjera, ai vëren se Erdogani, i cili është nën presion për shkak të krizës së rëndë ekonomike dhe zgjedhjeve të ardhshme presidenciale, mund të bëjë gjithçka për të larguar vëmendjen nga problemet politike në vend madje duke aluduar edhe për një luftë kundër Greqisë, një vend aleate në NATO.
Ndërkohë shefi i NATO-s më herët i ka bërë thirrje të dy palëve, të që dialogojnë dhe t’i japin fund përplasjeve mes tyre sidomos në një kohë Europa po përballët me luftën ruse në Ukrainë.
Si Greqia, ashtu edhe Turqia kanë investuar në shuma të mëdha parash për fuqizimin e ushtrisë dhe flotës detare.
Turqia ka nisur ndërtimin e luftanijeve dhe fregatave ndërkohë që Greqia po lobon për hapjen e bazave amerikane.Avion F-16 i Greqise
Por dhe pse është vendi i dytë që kontribuon më shumë në NATO dhe është shtëpia e disa bazave amerikane, Greqia vazhdon të ndihet e rrezikuar nga përplasjet me Turqinë.
Forcat e armatosura të Greqisë vlerësohet të jenë gjithsej 360.500 personel, sa gjysma e Turqisë, e cila ka afërsisht 735,000 ushtarë.
Mund të thuhet se Greqia ka më shumë se 1.500 tanke në arsenalin e saj ushtarak, dyfishi i Britanisë së Madhe. Ndërkohë sipas GlobalFirePower, Turqia ka rreth 2 600 tanke.
Tanket turke, “Leopard”, prodhim i Gjermanise
Të dyja vendet kanë një gamë të ngjashme nëndetësesh, anijeve patrulluese,fregatash por e aftësitë detare të Greqisë janë më të kufizuara se ato të Turqia, pasi shumë anije janë të vjetëruara.Tank “Leopard” i Greqise dhe që nga kriza financiare e Greqisë, përpjekjet për modernizimin detar kanë qenë të ngadaltë.
Athina, megjithatë, ka avantazhin e të pasur aleatëve rajonalë, pasi ka në krahun e saj Egjiptin, Izraelin, Qipron Greke, Italinë dhe Jordaninë.
Por me gjithë investimet e saj, Greqia nuk do ta përballonte kurrë e vetme ushtarakisht Turqinë.
Marina turke konsiderohet një nga katër marinat më të forta në Mesdhe.
Gjatë dy dekadave të fundit, Turqia ka zgjeruar aftësitë e saj detare, veqëanërisht pasi tensionet në Mesdheun Lindor janë përshkallëzuar.
Sa i përket buxhetit të ushtrisë, Turqia e ka 19 miliard dollar, kurse Greqia 4.8 miliard dollar.
Turqia ka 1 055 avionë, kurse Greqia 566. Sa i përket avionëve gjuajtës, Turqia ka 206 të tillë, kurse Greqia 187.
Ndërkohë, Turqia ka një avantazh të madh ndaj grekëve sa i përket dronëve.
Së fundmi, Turqia ka investuar mjaft në këtë drejtim duke patur edhe dronë që kryejnë sulme me raketa kundrejt objektivave të caktuar.Dron i Turqisë
Megjithatë, ekspertët ushtarakë e konsiderojnë me mjaft kosto një tentativë të Turqisë për të pushtuar Greqinë, pasi ushtrisë turke do t’i duhej të orvatej për ditë apo javë të tëra mes ishujve të shumtë në Egje, të cilët janë të pajisur me bateri të ndryshme të mbrojtjes ajrore apo ndaj anijeve.
Të tjera
-
Hoti: Qeveria Kurti ka shkaktuar pasoja për shtetin dhe secilën familje,Kosova ka nevojë për qeverisje të përgjegjshme
Deputeti i Lidhjes Demokratike të Kosovës, Avdullah Hoti ka njoftuar se struk...
-
Realizohen 233 urdhëresa të gjykatës për një javë në Prishtinë
Nga zyrtarët policor të rajonit të Prishtinës, gjatë javës së kaluar në l...
-
“Trima kanë qenë, trima kanë shku”- Rrëfimi heroik i motrës së Adem dhe Hamzë Jasharit, e cila ndërroi jetë sot
Hava Jashari-Gashi, motra e Adem dhe Hamzë Jasharit, kishte rrëfyer takimin e...
-
Një vjetori i agresionit në Banjskë – nga sot deri më 26 shtator mbyllet manastiri
Dioqeza e Rashkës dhe e Prizrenit ka njoftuar se manastiri i Banjskës do të m...
-
Dërgohet në mbajtje një grua në Pejë, dyshohet se kạnosi dy zyrtarë policorë
Dërgohet në mbajtje një grua në Pejë, dyshohet se kanosi dy zyrtarë policorë....
-
Tërmet me magnitudë 3.4 në Maqedoninë e Veriut, ndihet edhe në vendet fqinje
Një tërmet me magnitudë 3.4 të shkallës Rihter është regjistruar në Maqedonin...
-
Vdẹs motra e komandatit legjendar Adem Jashari
Sot, më 23 shtator 2024, është ndarë nga jeta Hava Jashari-Gashi, motra e kom...
-
Qalaj: Shumica e pjesëtarëve të grupit terrorist që morën pjesë në Banjskë janë të lirë, kjo krijon rrezik për incidente të ngjashme
Në lidhjen me postimin e ministrit Maqedonci për një ri-përsëritje të rastit ...
-
Trumpi thotë se s’do të garojë për president përsëri, nëse humb në nëntor
Ish-presidenti i Shteteve të Bashkuara, Donald Trump, ka thënë se nuk beson s...
-
Analiza/ Si përhap Rusia lajme të rreme në Ballkan?
Ishte mesnatë në Teheran dhe ora 22:00 në Beograd më 13 prill, kur do të nist...
-
Përmbytje dhe rrëshqitje e dherave në Japoni, 6 viktima dhe dhjetëra mijëra të evakuuar
Gjashtë persona kanë humbur jetën dhe 10 të tjerë rezultojnë të zhdukur pas p...
-
Ekspertët: Qëndrimet e shoqërive po ndryshojnë në favor të pranisë së shtuar të grave në politikë
Gara presidenciale në Shtetet e Bashkuara, në të cilën një nga kandidatët kry...