Mediat serbe publikojnë hartën e “Mini-Shengenit” për të cilin po angazhohet Rama, ku Kosova është brenda kufijve të Serbisë
Autori: Gazeta inFokus 23:13 | 11 November 2019
Mediat serbe shkruajnë se deri në fund të këtij viti, shtetasit serbë do të mund të udhëtojnë në Shqipëri dhe Maqedoninë Veriore pa pasaportë, vetëm me letërnjoftim, dhe atje të punësohen me leje ekzistuese të punës, ndërsa në vendkalimet kufitare të këtyre tre vendeve do të realizohej kontrolli i përbashkët doganor, i cili, sipas vlerësimeve të para rezulton me kursime deri në 129 milion euro në disa vendkalime.
Gazeta serbe “Blic”, e cila ka publikuar një hartë të “Mini Shengenit’, në të cilën Kosova është përshfshirë si pjesë e Serbisë, shkruan se këto janë marrëveshjet ose deklaratat më të rëndësishme të “Mini Shengenit” që mbështet qarkullimin e lirë të njerëzve, mallrave dhe kapitalit midis tre vendeve, të nënshkruara të shtunën nga presidenti serb Aleksandar Vuçiq dhe kryeministri shqiptar Edi Rama dhe ai i Maqedonisë Veriore dhe Zoran Zaev në Ohër, ku iu ishin bashkangjitur në bisedime edhe Kryetari i Këshillit të Ministrave të BeH-së Denis Zvizdiq dhe Ministrja e ekonomisë malazeze Dragica Sekuliq,
Presidenti serb Aleksandar Vuçiq ka thënë se kjo është një iniciativë shumë e rëndësishme për Serbinë dhe se ai është krenar që “ata kanë rënë dakord për gjëra të rëndësishme në një kohë të shkurtër”, shkruan gazeta.
Sipas hartës së publikuar nga gazeta serbe në ‘Mini Shengenin ballkanik’ do të përfshiheshin Serbia [me Kosovën brenda kufijve të saj], Shqipëria, Maqedonia, Mali i Zi, Maqedonia Veriore dhe Bosnja e Hercegovina. Ky Union do të kishte 16,5 milionë banorë dhe një sipërfaqe prej 207 mijë e 831 kilometra katror.
Takimi në Ohër ka nxitur reagime dhe kundërshtimin e krerëve shtetërorë dhe liderëve politikë në Kosovë dhe në Shqipëri.
Presidenti i Kosovës, Hashim Thaçi, i cili ka thanë se kishte marrë ftesë për këtë takim, në një postim në rrjetin social Facebook, presidenti Thaçi, ka bërë të ditur se ka refuzuar pjesëmarrjen në këtë takim për shkak të siç ka thënë anashkalimit që i është bërë Kosovës në takimin e parë të mbajtur në Novi Sad më nismën e presidentit serb, Aleksandar Vuçiq.
Krijimin e një “Mini-Shengeni” e ka kundërshtuar edhe kryetari i Lidhjes Demokratike të Kosovës, Isa Mustafa.
Sipas tij, kjo çon në krijimin e një “Mini-Jugosllavie”.
Reagime të rrepta ndaj këtij projekti ka pasur edhe nga politikanë e deputetë të tjerë në Kosovës.
Zëvendësministri në largim i Mbrojtjes dhe Sigurisë së Kosovës, Burim Ramadani, idenë e Unionit ballkanik [Mini-Shengenit], e ka quajtur një kurth të Serbisë pro-ruse, ndërsa mos pjesëmarrjen e Kosovës në Samitin e Ohrit e konsideron një argument të mjaftueshëm që Shqipëria të mos jetë pjesë e kësaj ideje.
Ndërsa, në Shqipëri, më i zëshmi në reagimet ndaj kësaj ideje ishte ish-kryeministri Sali Berisha, i cili tha se projekti i nisur nga Edi Rama dhe Alesksandar Vuçiq ka për qëllim të izolojë edhe më shumë Kosovën, ta defaktorizojë ekonomikisht dhe ta dobësojë në marrëveshjen finale me Serbinë.
Ai ka thënë se ide të tilla të faktorizimit të Serbisë karshi Kosovës datojnë nga pushteti i Enver Hoxhës, i cili kishte nisur bashkëpunimin me diktatorin jugosllav Tito.
Takimi tjetër i “Mini Shengenit ballkanik do të mbahet në Durrës më 21 dhjetor, e aty do të marrë pjesë edhe shefi për politikë të jashtme i BE-së Josep Borell.
Të tjera
-
Mbesa e kosovarit të burgosur në Serbi: Nuk e dimë si është trajtuar
Ministria e Punëve të Jashtme dhe Diasporës e Kosovës, ka konfirmuar arrestim...
-
Beogradi i cakton 30 ditë paraburgim kosovarit të arrestuar para dy ditësh në kufi, MPJ thotë se i është keqësuar shëndeti
Ministria e Punëve të Jashtme dhe Diasporës e Kosovës, ka konfirmuar arrestim...
-
Lajçak: Mandati im si ndërmjetës deri më 31 gusht – me lidershipin e ri të BE’së nis një fazë e re e procesit
Miroslav Lajçak së shpejti do ta lë postin e emisarit special të BE’së për Ba...
-
Vetëaksident tek Llesna në Prishtinë (PAMJE)
Një vetëaksident trafiku ka ndodhur para pak minutave tek Llesna në Prishtinë...
-
Vrąsja e intelektualëve të Mitrovicës 25 vjet më parë, Kurti: Serbia ua mohon familjeve të drejtën për të ditur të vërtetën
Kryeministri i Kosovës, Albin Kurti ka kujtuar zhdukjen e intelektualëve të M...
-
Anulohet pjesëmarrja e Kurtit në tubimin e opozitës së Maqedonisë së Veriut sonte në Berlin, çfarë ndodhi?
Bekim Qoku Këshilltar i Jashtëm Politik të Kryeministrit Albin Kurti për marr...
-
Murati: Marrëveshjet e deritanishme janë marrë vetëm me serbët e Kosovës
Kryetari i Lëvizjes për Bashkim, Valon Murati, ka thënë se deri më tani, marr...
-
Ky është rreshteri i NJRSH-së që u suspendua nga IPK-ja, dyshohet se e rrahu keq një qytetar
Sedat Ramdani, rreshter në Njësinë e Reagimit të Shpejtë në rajonin e Prizren...
-
17 vjeçari e th*rr me thíkë një person në Ferizaj, arrestohet brenda dy orëve
Sot në ora 17:47 policia rajonale e Ferizajt pranoi një informatë se në udhëk...
-
Durmishi i përgjigjet Pal Lekajt: Pse po rren?
Zëvëndësministri i Infrastrukturës, Hysen Dumishi, i ka reaguar ish-ministrit...
-
Stano: Arrestimi i zyrtarëve policorë të Kosovës nga Serbia, shqetësues
Zëdhënësi i Bashkimit Evropian, Peter Stano, tha për Radion Evropa e Lirë të ...
-
Një muaj paraburgim për kosovarin e ndaluar në Serbi nën dyshime për kríme ĺufte, thonë familjarët
Një gjykatë serbe ia ka caktuar masën prej një muaji paraburgim të pr...