Lajme

Mediat franceze: Terroristët po përgatiten për sulme në trena dhe helmime me ushqim nëpër Evropë

Autori: Gazeta inFokus 15:03 | 17 September 2017

Policia franceze e ka publikuar një letër sekrete bazuar në një analizë të “propagandës xhihadiste” duke paralajmëruar për sulme të mundshme nga sulmues vetmitarë që do të shkaktojnë përmbysjen e trenave dhe helmime me ushqim, raporton Le Parisien, duke e cituar këtë dokument.

“Për shkak të propagandës xhihadiste që bën thirrje për plane për t’i përmbysur trenat, vëmendje e veçantë duhet t’i jepet çfarëdo raporti për ndërhyrje apo tentimi për sabotim në ambientet e hekurudhave”, thuhet në raporton shtatë-faqesh të përpiluar nga drejtoria e policisë në fillim të muajit shtator, dhe cituar nga Le Parisien, transmeton Express.

Dokumenti, i cili përqendrohet në aspektet e propagandës xhihadiste në tre muajt e fundit, paralajmëron se terroristët janë udhëzuar për të bërë eksplozivë “siç shihet në studim”, të fshehin radikalizmin e tyre, si dhe u bën thirrje vetmitarëve t’i përmbysin trenat, t’ua vënë zjarrin maleve dhe t’i helmojnë ushqimet në Evropë.

-Advertisement-

Autoritetet më të larta të policisë e kanë konfirmuar raportin, duke cituar analizën e propagandës, se kërcënimi për ndonjë sulm në Francë mbetet shumë i lartë.

 

Subscribe në YouTube: GAZETA INFOKUSI
Etiketa:
Diplomon gjenerata e dytë e studentëve UNIK të UNI-të me diploma të fuqizuara nga Arizona State University
-Advertisement-

Të tjera

Fokusi

lajme