Lajme

Media amerikane: Trump do të nisë planin e dëbimit të emigrantëve një ditë pas inaugurimit

Autori: Gazeta inFokus 12:30 | 18 January 2025

Një ditë pas inaugurimit të tij, Donald Trump thuhet se po përgatitet të nisë një operacion në shkallë të gjerë kundër emigrantëve të paligjshëm në Chicago, sipas një raporti të Wall Street Journal duke cituar njerëz me njohuri për planifikimin e qeverisë.

Operacioni, i cili pritet të nisë të martën, do të zgjasë gjatë gjithë javës , tha gazeta, duke shtuar se shërbimi i emigracionit në SHBA do të ndihmohet nga 100 deri në 200 oficerë policie.

Një burim i njohur me planet e qeverisë së re tha se agjencia e imigracionit do të rrisë operacionet në të gjithë vendin.

-Advertisement-

“Ne do të kryejmë operacione në të gjithë vendin… Do të shihni arrestime në Neë York. Do të shihni arrestime në Miami ”, tha ai.

Përsa i përket zgjedhjes së Chikagos për të nisur këtë operacion, lidhet nga njëra anë me numrin e lartë të emigrantëve dhe nga ana tjetër me mosmarrëveshjen mes ekipit Trump dhe kryebashkiakut demokrat të qytetit, Brandon Johnson.

Emigracioni ka qenë në qendër të fushatës së Trump në prag të zgjedhjeve presidenciale.

“Brenda pak minutash nga inaugurimi im, ne do të fillojmë operacionin më të madh të dëbimit të brendshëm në historinë amerikane”, deklaroi më herët Trump.

Subscribe në YouTube: GAZETA INFOKUSI
Risi në foleja.com! Prej 49.99€ bleni dyshekët Nouve Blanc dhe përfitoni transportin falas me DHL
-Advertisement-

Të tjera

Fokusi

lajme