Lajme

Më pak raste me grip në Shqipëri, bie agresiviteti i virusit

Autori: Gazeta inFokus 19:06 | 19 February 2023

Vala e gripat dhe virozave të tjera në bashkëqarkullim duket se po bie. Sinjalet vijnë nga qendrat shëndetësore, të parat që presin shqetësimet dhe problemet e qytetarëve.

Pediatrit flasin për rënie të fluksit pacientëve, pas një periudhë të gjatë piku. Tashmë sipas mjekëve edhe agresiviteti i gripit dhe viruseve të tjera ka rënë.

Pas tre viteve pandemi, gripi i tipit A dhe virusi respirator Sinsicial u rikthyen me agresiv duke rritur jo vetëm sëmundshmërinë në popullatë por edhe komplikacionet tek të gjitha grupmoshat.

-Advertisement-

Këtë dimër rastet me koronavirus ishin shumë të pakta krahasuar me viruset e tjera respiratorë.

Mjekët thonë se imuniteti i krijuar ndaj Sarscov-2 dhe jo ndaj gripit, bëri që këtë vit gripi të kalohej si Covid në fillimet e tij, ndërsa rastet e konfirmuara me Covid e kalonin edhe si një rrufë të stinës.

Edhe sipas Institutit të shëndetit publik gripi i tipit A dhe nëntipat e tij këtë vit ishin shumë më agresiv se para pandemisë. Piku i përhapjes u shënua në fund të janarit, fillim të shkurtit me mbi 18 mijë të prekur në javë.

Subscribe në YouTube: GAZETA INFOKUSI
EURO 2024 dhe Serie A, dy ekskluzivitetet absolute të Artmotion këtë vit
-Advertisement-

Të tjera

Fokusi

lajme