Liverpooli është duke kaluar nëpër një krizë të rezultateve, që nuk e ka pasur në katër vitet e fundit, shkruan Gazeta inFokus.

‘The Reds’ kanë humbur katër ndeshje radhazi në Premierligë dhe kanë zbritur në pozitën e gjashtë në tabelë, duke rrezikuar seriozisht edhe garën për Top 4.

Lëndimet e shumë futbollistëve, sidomos të mbrojtësve, por edhe forma e dobët e sulmuesve kanë ndikuar në rezultatet e kampionëve aktual të Anglisë.

Pas gjithë kësaj situate jo të mirë trajneri i skuadrës nga ‘Anfieldi’, Jurgen Klopp, më në fund ka marrë një lajm të mirë nga infermieria e klubit.

Sulmuesi portugez, Diego Jota, është rikthyer në stërvitje të plota dhe të mërkurën do ti bashkohet skuadrës, derisa mund të ketë minuta në takimin e ardhshëm në kampionat.

Përballjen e radhës ‘The Reds’ e luajnë të shtunën në udhëtim te Sheffield Unitedi./Gazeta inFokus/