Lajme

Me nderime tek ‘Ibrahim Rugova, ‘Zahir Pajaziti’ dhe ‘Heroinat’ Daut Haradinaj mbyll fushatën për Prishtinën

Autori: Gazeta inFokus 15:58 | 15 Tetor 2021

Kandidati për kryetar të Prishtinës, Daut Haradinaj, fushatën e tij për Prishtinën e ka përmbyllur me nderime tek shtatorja e Ibrahim Rugovës, Zahir Pajazitit dhe tek obelisku Heroinat. Haradinaj ecjen e ka përmbyllur tek Monumenti Newborn, ku është pritur nga dhjetëra të rinj që votojnë për herë të parë, të cilët i shprehën mbështetjen e tyre në garën për të parin e Prishtinës.

‘E mbyllëm këtë fushatë me nderime për themeluesit e lirisë e shtetësisë që qëndrojnë krenarë në sheshet e Prishtinës. E përmbyllëm me të rinjtë që votojnë për herë të parë’, tha Haradinaj.

‘Bashkë me asambleistët dhe ekipin sot ishim jashtë politikës ditore, sot marshuam për Ibrahim Rugovën, për Zahir Pajazitin, për gratë tona Heroina’, u shpreh Haradinaj.

-Advertisement-

Ndër të tjera, Haradinaj theksoi se Prishtina ka rrënjët në historitë e lavdishme të lëvizjeve të luftës e paqes, në sakrificat dhe dhimbjen e grave tona, në krenarinë tonë të përbashkët, qëndresën dhe unitetin tonë.

‘Sot ishim një me qytetarët, të kaluarën, të tashmen dhe të sigurtë për të ardhmen’, përfundoi Haradinaj.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy